Monday, August 11, 2008

Songs of Alfred Rose (A-B)

DON UTRAM

Tiatr pollenaranim, Radio aikoteleanim, anim mojea kantaram
sovem moipaspon dakoiteleam mojem bhavam anim bhoinnanim,
maka sabar chitti boroilea uprant, anvem mojeam kantarancho
jhelo xapache vavr athan ghetlo, chear jele xapun te vikrek
dovorlet, anim maka vodd khuxealkai bogta porgott koruk,
he soglle khopon rokddench kabar zalet mhunn.

Don vorsanim Europak ravnnem korun anv porot etoch, torui

astannam maka sabar chitti aileot, anink eok novo kantarancho
jhelo xapachi goroz assa mhunn. Dekun mojeam borem magteanchea
magnneank pall diun, anv aiz vho jhelo xaptam, asson tantun kantaram
jim anvem atam record kelelim assat.

Poili LP record heam dissani bhair sorpachi assa, zacher bara
kantaram assat, anim dusreao don LP recordi anink thoddeanch
moinennim bhair sorteleot. Sogllim mellon 20 kantaram, zanche

tune ou sangit soggleank Radio anim recordancher aikonk mevtelet.

Alfred Rose
Bombay 15-8-1973

TRANSLATION

Tiatr watchers, radio listeners and my beloved brothers and sisters!
You, who have shown great passion towards my songs by writing many letters to me, have finally convinced me to undertake the work of publishing a bouquet of lyrics of the chosen songs. I have published four books so far and I am very happy to announce that all these books have been sold out fast.

After spending two years in Europe and on my return, I received many more letters, informing me that there is a great need to publish a new booklet of songs. In order to fulfill the long awaited requests from my well wishers, today I am publishing this booklet, which contains songs that I have recorded now.

The first LP record will be released right away, and it has twelve songs and two more LP records will be released later within a few months. All together there will be twenty songs, the tunes or music of which one can hear on radio or on records.

ALFRED ROSE
BOMBAY 15-8-173

NOW IN ALPHABETICAL ORDER (A-B) - updated 14/3/2013

1.ACHARANCHEM VOJEM - Alfred Rose

Kazar mojea amigachem, poilem kazar hea vorsachem, aikat tachea kazarachi khonta,
Nessop kelem valorachem, armosanv don ozarachem, vhoddlem bend aslem re mojea puta,
Jevon randlelem ruchichem, pieonk fridgin santorichea, Whisky brandy rum khatta khatta,
Lok hollan yeun boslolo, vokle noureakuch ravtalo, derefent fugotteo zaleot fatta fatta.

MC hanv danvon vochon vorak bhitor kadlo, bendan suru kelem,
Video kadpi photo kadpi, dogui danvtaleat, anvem jetan cholonk dhorlem,
Lok thuim ubo ravon sogloch khoxen murgottallo vazop itlean somplem,
Wedding cake katortanam, nourea baban mistekin vokle-baiechem bottuch katorlem.

Soglea hollan zalo boball, rogtache thuimsor zale vall, rogot polloun nouro bhieum poddlo,
Anvem vochon announce kelem, dotor aslear ye mhunn sanglem, ek matro dotor thuim danvon ailo,
Vokol dukhin bob martali, noureachi kudd patouleli, anik dusro boball thuimsor zalo,
Nourachea paik choddon ailem kalliz mista frag aslem, heart attack zaun tho thuim thondgar zalo.

Paik motoran ghalun rokdoch hospitalan vel'lo, sasumaim gaborli,
Nouro suman zatokuch voklek gheun ghara ghelo thuim ani ek gomot ghoddli,
Udkache noll mista gharan uggte dorleleat gharan bhuddti aili,
Bixannem bizlem, samon bizlem, konn guneavkari, sozmonam sasumaim odik chavoli.

Sasumain kelem ferem-ferem, voklechem panvol nhuim borem, gharan amchea aili saddi-sati,
Vaitt noxibachi vokol, amkam ghalunk ailea sokol, sant-bhogtank pettonk lagli vati,
Nouro babdo soth Deva pava, main mhuttlem tuje tond sambau, zap kaddxi kadtelim tujeo kathi,
Petrol ghalun lasun uddoi nam tor voron dorian buddoi gharan mojea naka hi ponvoti.

Kazar zatoch gharan kitench vaitt ailem zalear mhunntat vaitt noxib voklechem,
Pun kazar zatoch gharan kitem borem iet zalear mhunntat borem noxib noureachem,
Borem ailam tem voklechea noxiban yeun nezo mista koslem chintop amchem,
Nennarui hem gheun asat, xinklelim hem gheun asat, noixtem vojem acharanchem.

2.ADEUS KORCHEA VELLAR - Alfred Rose
Balo, boslo mojea kallzar,
Kallzam, doxim zaunchea vellar,
Naka dislo sogllo sonvsar,
Moga, Adeus korchea vellar.

Anik kaim ek moje lagim naslem,
Otmo ani kalliz tukach dilem,
Chintnam ubon gelim varear,
Gupit ekloch zalom fugar,
Dukam denvlim mojea pollear,
Moga adeus korchea vellar.

Kalliz zalem mojem thondgar,
Tuka dektoch dolleam mukar,
Roddlom chintun mogacho bar,
Moga adeus korchea vellar,

Mollbailem tem channem tor uloitem,
Dakoll korta tem kitem anv korta tem,
Kalluk ailo mojea dollear,
Sopon koxem dislo sonvsar,
Chintnam motin riglim sabar,
Moga Adeus korchea vellar,

3.ADLEM BHURGEPONN - Alfred Rose

Lhan astanam iskolak vetalom,
Ghara yetoch bhurgeam xim kheutalom,
Lisanv korun rebekui xinktalom,
Avoi bapaiche vengen jietalom,

Molladik tem bhurgeponn, anik amkam mevchemnam,
Ozar lakh dilear passun konn dinvchonam,
Oktam kitlim ghetlim tor, tem ghott zoddunk zaunchemnam,
Vinktem gheunk chintlem zalear khuinch mevchemnam,
Dukhi konti vollkonaslom anv bhurgo astanam,
Khuxeal vaddlom teo dasti nastanam,

Khorench atam xinkop tem chodd zalam,
Itlem xinkop, khellonk vell mellonam,
Edo so potto vis-ponchvis book tache lagim dorunk zainam,
Dukollta tho iskolk vetanam,

Iskolan lissanv kitlem, monan vochonam titlem,
Khotta amchea bhurgeamchem noxib futlem,
Tem soglem lissanv zainam, khellonkui vell mellonam,
Tor atanchem bhurgeponn zait hem koslem,
Bhurgeaponnar tanchea mathyar vojem kitlem
Fuxeal aslem tem bhurgeaponn adlem,

Iskolak than yeta 4 voramcher,
Tutionak mhunn vetat 5 voramcher,
Porot ghara yetat tim 7 vo 8 voramcher,
Rath dis tanchem mon focot lissanvcher.

Ters korunk vell mellonam, khellonkui vell mellonam,
Khellonk oxim osot zalear, lisanv zainam,
Muineachea muine exam, maim-paik pasun suseg nam,
Hea fuddem kosle dis yet mhunn Dev zannam,
Antanchim bhurgim khorinch uxear hem sangchi goroznam,
Amchem tem sukh hea bhurgeank mevchemnam
Bhurgeponn, bhurgeponn,
Antanchem bhurgeank mevchemnam, ami bhoglam tem bhurgeponn
Bhurgeponn, bhurgeponn,
Khuxelborit aslem amchem adlem bhurgeponn

4.AEROPLANE-ANK UZO - Alfred Rose

Ghuttacho amig to mozo,
Ekloch put avoi bapaicho,
Bahrainchea ganvant gelolo, fuddar vaddounk apnnacho,

Sakrament zoddlo kazaracho,
Pai zalo eka bhurgeacho,
Vorsan rojea kaddun ailo, madrasi vho ixtt mozo.

Bhurgeak tannem pollounk naslo,
Pollounk borvanso aslo,
Bailek polloun axetalo,
Vengen gheunk anvddetalo,
Aeroplanan vochon boslo,
Madrask vochonk aslo,
Auchit Plane-ak uzo pettlo,
Ixtt mozo ujean laslo.

Aeroplane voir ulpotalem,
Mojer poddtaxem distalem,
Kalliz mojem thoimch bond zalem,
Kednanch pollounk nam oslem.

Tem mollob ifern zalelem,
Ek akttem diso pettlelem,
Atanch anstalet poi tanchem,
Khotta nisonnton zalem.

Bomboi Airportar anv gel'lom,
Dekhlam mojea dolleanim,
Khunnt koso anv thoimsor urlom,
Bhezo bhoron chintnamnim,
95 lok ulpon melo,
Sangonk zainam utranim,
Saiba pau mhunnonk pavlenam,
Dolle bhortat dukhanim.

Avoi bapaik khobor gomtoch,
Kitem zait tankam bhogtelem,
Ekuch foll Devan dilelem,
Voir ulpon kabar zalem,
Ghorkarnicheai kanar poddtoch
Kitem zai tika ghoddtelem,
Eklench bhurgem goribalem,
Pixm koxem zatalem.

Nirbhagi to amig mozo,
Chintun dolleanr yeta sai,
Eka vorsachem hem kazar,
Kiteak oxem ghoddlem gai,
Ghorkarnicho surngar somplo,
Morgad melo roddta maim,
Don moineacho tacho bhurgo,
Hea fuddem konnak mhunnot pai.

5.AGENT FOTTKIREby Alfred AR & Rita Rose RR

RR: Irmanv tum Goemkar zalear, bhiradd dhi maka hea porkea ganvan,
Ankantak sampodleam, ath zoddun magtam Devachea nanvan,
AR: Hea ganvan tuka daddlem konnem, bhavan vo ghovan,
Ankantak sompoddlaim konnachea guneavan.

RR: Pai bhav soro pieta, adar nam zalo konnacho,
Bhuk sonxinezo zaun rosto dhorlo Arabiacho,
AR: Punn kotta thuimsor pavon, sonvsar zaunk pavlo dukhacho,
Vibadd zaunk pavlo vass, pormollit fulamcho.

RR: Bomboichea Agenta vorvim, kontrad sain korun Kuwait gelim anv,
Punn thoimsor pautoch, pag unnem dekun boglem fugasanv,
AR: Te Agent fottkire, lokak fottounk vhoddlem ghaltat nanv,
Lokak nagoitat, tem tanchem professanv.

RR: Kuwait than thoddea tempan, Beirut maka addlem vavrak,
Chear moinem pag diunk nam, bhair soronk dinaim ekai horak,
AR: Hem ghoddta zaiteanch zannak, magir xinntat Indian serkarak,
Serkar kosso etolo sang tumchea adarak.

RR: Antam anv pollon aileam, tunch maka samball ravonk suat nam,
Indian embassin gel'lim te maka sangtat kainch korunk zainam,
AR: Emigration offisan tuzo kontrad registad kel'lo nam,
Dekun Indian Embassy, antun menter zauchinam.

RR: Aikat mojea bhoinnanim, tea Agentank pationk favonam
Tanchea kontradancher, matui bhavart dovrunk zainam,
AR: Kontrad Emigration offisan registad korunk zai dubav nam,
Tednanch serkar adar, dilea bogor ravcho nam.

6.AGHO MOJEA SUNDOREA - Alfred Rose AR & Antonette Mendes AM
AM: Zuvieo, fulam; xinvtim, mogrim,
Ghe re tuka pormollachim,
Tujeach mogan vinchun haddlim,
Fulam tujer uddoitelim.

AF: Agho mojea sundorea, Khuim gho tum edea vellar,
AM: Voddun bolunaka, bappak kollot mojea,
AF: Vah, vah! Agho mojea sundorea, Khuim gho tum edea vellar,
AM: Voddun bolunaka,
AR: Ham! Puro Gho,
AM: Bappak kollot mojea,
AR: Am, ham

AR: Tujeach mogan, kalliz lasta,
Sundorea utor tujem, veginch dhi gho mhaka
AM: Tukaram
AR: Ham!
AM: Bhienaka
AR: Nam hanv bhinam
AM: Sopnan ravtam tuka
AR: Am, ham! Khorem sangta
AM: Bappa ani ayi
AR: Vah, Vah!
AM: Zanvuim kortat tuka

AR: Oh ho! Agho mojea sundorea, Ek beiju dhi mhaka,
AM: Ghe zai title tuka,
AR: Dhi gho tor
AM: Ayik sangonaka,
AR: Oh ho! Agho mojea sundorea,
Ek beiju dhi mhaka
AM: Ghe zai title tuka
AR: Ghetam, ghetam, dhi poviea
AM: Ayik sangonaka,
AR: Ai, hai!

AM: Tum mozo Tukaram,,
AR: Hai! Tum mojem sundorem
AM&AR: Polle kitlem sobit tem amchem hem zoddem,
AM: Kalliz hem mojem, Negar nam vechem,
AR: Koxem votlem
AM: Aiz passun moro porian
AR: Ai, hai!
AM: Hanv tujem sundorem,
AR: Mugelem

AM&AR: Login ami korteleanv, Ekttaim ami zateleanv,
AR: Vah, vah!
AM&AR: Dogaim eka-mekak, Kedinch vissorchenanv,
AM&AR: Login ami korteleanv,
AR: Vah, vah!
AM&AR: Ekttaim ami zateleanv,
AR: Um-hum!
AM&AR: Dogaim eka-mekak, Kedinch vissorchenanv
Lyrics courtesy: Domnic Fernandes

7.AIR CRASH ANI BUS ACCIDENTAlfred Rose

Gharar poddlo kalluk, tonddamcher poddlo kalluk,
Kitlea zannachea ghorabeamnim aiz podlo kalluk,
Sonvsar khoroch kalluk, uzvadd asson kalluk,
Khorench munxeachem jivit bhavanim birankull kalluk,

Poona than plane bhair sorlelem bomboi yetalem,
Pavonk thoddoch vell assa mhunn tankam sanglelem,
Noxib futtlem, kitem goddlem, konnakuch hem thaven nam zalem,
Dongrak addon tea kallukan ujean giraslem.

Khobor Goeam gomli, ek ghorkarn roddonk lagli,
Planean vocho nakai mhunn, ghovak aplea sangonk lagli,
Bomboi yeunk planeachi, tikett kancel keli,
Busichi tikett meutokoch, ghorkan khoxi zali.

Tichi khoxi rokdich sompli, togonk pauli nam,
Nimmani ti viaj zait mhunn konnech chintlem nam,
Fantea parar, nideachea barar, bus ti buddli konnach kainch gomlemnam,
Ang xirxirta odruxtt hem nialluncheak zainam.

Pixi khoxi bonvta, ang mattem pissuddta,
Ganvan bonvon bonvon soglleak ti bobo marta,
Bhurgim babddim roddta, bapaik pollunk axeta,
Anvench mojea ghovak marla mhunn, ti sangon roddta.

Kirmidorak pirzaunt ghal tho bhair soro nezo,
Vagak passun pinzreant ghatlear tho chabonezo,
Punn tem ghatki morn, kitench kelear tujean ani mojean tem addaum nezo,
Dhonia salvar kor, otmo tea nirbhagi munxeamcho.

8.AMCHE PURVOZAlfred Rose
Adlea tempar purvoz amche kuznant sirvis korun,
Khuxeal aslet uskea mekle hem veth bor pott borun,
Fuddar chintun moddit thodde samballtalet zoddun,
Upkartelem mhunnon apleam bhurgeank vhoir kaddunk.

Tem kortub Dev bhirantichem, astalem bessanv Devachem,
Bhurgeank aplea xinkop dilem, boreponn gheun offxalachem,
Jevonn randun ruchichem, khillaun pill lahnvikaiechem,
Putank aplea dotor advogad kele, poiat vhoddponn team kuzneramchem.

Soddun Goa aileat Bomboi patmaryani boson,
Tea Europi upkarani tankam addit dokhear voson,
Kuzner khore punn man kitlo fokot Goemkar mhunnon,
Tanchem modem porzolltalem dekun honestponn.

Rochnaracher dovrun bhavart, putank xinkon kele zannar,
Voi uxear ami put tanche aiz gazoita soglo sonvsar,
Onodvont sonvsara mukar kuznerache put he xinknar,
Xinkop nastanam soimbache gineanan uxear aslet kuzner goemkar.

Zaiteank amkam munxeacho valor korunk gomonam,
Xinknaranim kuznerank kikont korunk favonam,
Tanchea vhoddponnacho valor kitlo sangonk zainam,
Adim kuzneran man zoddla toslo man antam xinknarank mevonam.

Tiatristank addar dil'lo tea tempar tea kuzneranim,
Poili English bhass uloili, konnem amchea kuzneranim,
Goemkar ami honest mhunnon, nanv zoddlem tea kuzneranim,
He kudd ganv-ganvche tantun bhav rautat amche goddle konnem kuzneranim?

9.AMI SOGLIM EK - Alfred Rose

Goemkar, ami Goemkar,
Zanv Bardezkar Sashtikar vo Ilyaskar,
Bhass amchi, math math mudar
Torui soglle, ami Goenche Goemkar
Teach porim, Sawantwadikar
Malwankar Vengurlekar ani Karwarkar,
Dusre assat, bhav amche Munglurkar
Punn ami soglle ek Konkankar

Ohhhhh ami soglle ek, Ami soglle ek,
Konkani uloupi bhav bhoinnam ami soglim ek,
Sogli mhunnoyea, Ami sogle ek, Ami sogle ek,
Konkani uloupi bhav bhoinnam ami soglim ek.

Ghanv ghara ekvott korun ,
Vhodd vhodd dongor ami udoileat moddun,
Pordesant ami geleanv, orixtt oronem pigllaunk zai ekvott korun
Zaite pautt gulfan pavtoch, vibadi chintnam lagtat amkam naddunk
Jezun sanglam peleacho mog kor, moganuch kurnatkai kai diunk zai foddun

Ohhhh ami soglim ek, Ami soglim ek
Konkani uloupi bhav bhoinnam ami soglim ek
Sogli mhunnoyea,Ami soglim ek, Ami soglim ek
Konkani uloupi bhav bhoinnam ami sogle ek

Keralkar, zanv Madrasi, Punjabi Sindhi Indieche put soglle ,
Musolman, Hindu, Christanv oxe dhorm amche assat veglle veglle,
Vett bor pot bhukelam mhunn, chakri korunk ami pordesant pavle,
Nosai pissai doreant budonk zai, Ami mhunn Indieche put soglle.

Ohh ami soglim ek, Ami soglim ek
India amcho sogleancho ganv ami soglim ek
Soglim mhunnoyea, Ami soglim ek, Ami soglim ek,
India amcho sogleancho ganv ami soglim ek
Ami sogllim ek
Ami soglim ekkkkkk.

10.ANGELAAlfred Rose

Angela, dont go away,
Angela, I'll swing you sway,
Tell me dear, why cant you stay,
Give me a smile just for a while, life will be gay.

Oh my dear Angela, dont go away,
Angela, I'll swing you sway,
Tell me dear, why cant you stay,
Give me a smile just for a while, life will be gay.

You are the one under the sun, no I can never forget you
Just like a star shining afar please tell me how can I catch you

Oh my dear Angela I'm alone,
Can I call, call you my own
Tell me why, why have you flown
I m in love Come back my dove call me your own

Voi tum eklench, porzollachem visor ghali nezo tujer,
Noketr koxem uzvaddachem khoxen bik-biktai mollbacher,
Mogachem Angela, eksurom anv, vonttacher kheuta tujem nanv,
Khoim vetai soddun ho ganv, ye tum mannka, vochonaka ye marun danv

Angela, Angela,
Oh sweet Dont go away!

11.ANKVARPONNACHI TANAlfred Rose

Kalliz mojem roddta, dukhan aiz diss sarta
Sontosbhorit ankvarponnak sodta,
Ankvar asleleank kazar zain dista,
Vhoi, kazar zatoch soglli sothea sompta.

Tem mhunnta, cheddvank poinakai,
Anga thoimsor bhonvnakai,
Ghara yeunk vogot launakai,
Avoi, fokanndam kornakai, cheddvank dolle moddnakai,
Ti ghalinastanam moje borim bhonvonakai,
Toxench sangtam tum soro pie nakai
Hai, soro piyexi ratcho ghara yeunakai.

Kaiboro jiv mozo, pettla lagon uzo,
Atam kitench kelear palounezo,
Ankwar astanam aslo zaito dhobazo,
Hai, antam sonvsar mirsangancho bozo.

Kalliz hem martalem uddnam,
Kazar zain disso kednam,
Ghorcheank passun mojea thar nam,
Avoi, maim mhunnta put aplo, atam moipas dakoinam,
Pai mhunnta, put adle bhaxen uloinam,
Bail mhunnta ghov apnancho mog korinam,
Oh, konnak kitem korchem makach sozmonam.

Maim aple vatten, ani pai aple vatten,
Tantun bail uloita aple vatten,
Bhoinn moje assa, tivui apleach vatten,
Punn kunhead math mozo moje vatten,

Moji hi tokli zalea ran,
Saiba bhere zalet kan,
Ankvarponnachi laglea tan,
Vhoi, vhoi, ankvarponui borem, kazarui hem borem,
Sosnikaiechem mat ghott zaunk zai verem,
Ek mat moji bail sangta tem mat khorem,
Pai-maink mhunnta sodanch korchem borem.

12.ANTANCHO SONVSARAlfred Rose

Ek vath soglleak uzvadd dita punn apunnuch ulpota,
Eok maim-pai tosoch aplea bhurgeak voir kaddunk tench bhogta,
Aplea rogtacho bhurgo mhunn taka tim mogan vaddoita,
Magonastannam tea bhurgeak sogllem haddun dita.

Aplea pottak unnem korta, bhurgeank kainch unnem korinam
Punn to bhurgo vhoddlo zatoch, koixtt mandun ghenam,
Voilean mhunntta hanv lhan astannam, tuvem kelaim tem hanvem dekonk nam,
Ani jem hanvem dekonk nam, tem hanv soth mandchonam.

Avoi-bapaichem tondd kot’ta hem aikotoch ambott zata,
Dantui aple, vonttui aple mhunn tim sogllem sonsun ravta,
Xikop kortoch, sirvis mevtoch, bhurgim tanchim kazar zata,
Cheddvam ghovagher vetat, chedde maim-paixim asta.

Avoi-bapui zanttim zatoch, tanche hathui mottve zatat,
Zanteaponnar tim sovostkaien jieonk axetat,
Punn ghoran sovostkai nam, teach ghoran sosnnikai nam,
Ekttaim ravtat mhunnttoch, xingak-xingam adovtat.

Dialogue:
Pai: Baba! Don rupia asat zalear dhi re put
Put: Don rupia? Kiteak zai gha tuka?
Pai: Tan laglea baba, tan laglea
Put: Aam! Boreo tano lagtat tuka; rav, bolsan purse asa; poitam.
Mojea lagim xembor rupia asat; ponas rupia asat; vis rupia asat;
dha rupia asat; panch rupia asat. Chol-chol, mojea lagim don rupia sutte nant.
Pai: Don rupia sutte nant! Don rupia sutte nant! Kaimnozo; kaimnozo;
kaimnozo baba, kaimnozo

Magonastannam hea putak to sogllem haddun ditalo,
Toch put don rupia sutte nam mhunn aplea paik sangonk laglo,
Hem soth tumchea mukar poddlam, tumkaim eok doko bostolo,
Hea paik sangat bhav-bhoinnanim, ho inam koslo?

Bhurgeank ami zolman haddtoch, martanv fogotteanche morann,
Magonastannam sogllem tankam ditanv, khoxechea bharan,
Gorjek poddon main-pain kiteim maglear, thoddeam bhurgeank Saiba lagta
girann,
Oxem ghoddonk Dhoniam, kitem hachem karann?

13.ANV BIYETAM - Alfred Rose

Anv biyetam, Anv biyetam, voi biyetam,
Anv biyetam kitench korunk anv biyetam,
Mogan poddonk anv biyetam.

Ek pautt mogan anv poddlolom,
Pollounk borem dista mhunnon bul'lolom,
Chintinastanam emkondant xeutolom,
Zoddleli zodd kabar bhava lachar zalom

Anv biyetam, avoi biyetam, voi biyetam,
Anv biyetam kitench korunk anv biyetam,
Mogan poddonk anv biyetam.

Pai maka kazar zau mhunn sodanch sangta,
Sun vegim add puta maim bejar korta,
Kazar mhunnchem noxibachi sort re puta,
Dekun maka kazar zauncheak bhirant dista.

Anv biyetam, Anv biyetam, avoi biyetam
Saiba biyetam, mogan poddonk anv biyetam
Kazar zaumcheak anv biyetam.

14.ANV KONKNNI ZANNAM - A=Alfred & R=Rita Rose

R: I am a crooner, I am a crooner,
When I sing people say vow
I sing for dance bands, I sing for beat groups,
In konknni shows I want to sing now.
A: Pollounk sobit distai aka dubau nam,
Talloi boro assa anv aikon zannam,
Konknni tunvem uloileli math aikonk nam,
Konkni
R: Ti anv Janam,
Konknni anv uloitelim, kantarui kortelim,
Koncertanim anv nachtelim, famous anv zatelim,
A: Mazram khoimsor nidleam zalear ghabron utt'telim,
Pixim khoxim, yennem tennem danvonk lagtelim,
Tuji konknni aikon tim soglinch murgot'telim,
Ani kung-fu nachonk lagtelim.

R: Kitem uloitai, maka chavoitai,
Kantar korun I'll make people cry,
I'll do loving roles, I 'll do fighting roles,
Maka eok chance diun, why dont you try.
A: Try try try kitem kor mhunntai try,
Stylish tuji konkani bai ekdom dry,
Osli konknni bhas Goemkar uloit zalear,
Konknnichi, zali chili fry.
R:Tumxim cheddvam no xinkop, anv xinkleam BSC,
My brother is a professor, first class first MSC
A: Vhoddponnam sangta pass zaunk na mista SSC,
Dev zannam hea fuddm koslim vhoddponnam korxi,
Famad zatoch amkam xinkoitelem ABC
Sorry bai there's no vacancy.

Dialogue:
R:Why do you say there is no Vacancy
A:Tujem nanv kitem R: My name is Beatrice
A:Beatrice..ani tum amche modem eun zaunk sodtai tiatrist
R:Yes A:Very good very good
R: I would like to sing on the stage..you know I can sing your popular mendos very well ...
A: Mendo??
R: Yes your popular mendos you sing for your parties
A: Mendo..Mendo? Arey Mando...hem mhunnta mendo anv sozmolom toklentlo mendo..borem borem mhunn poiya...aikoya aikoya

R:Age neuri tuje nakantu noti payeam sori...2
A: Very good very good ti tuji neuri neuri nu sarki natalamchi neuri neuri sarki natalamchi neuri
R: You like it..I'll sing another one A. Anik mhunntai avoi
R: Cecilia mojem nanv chervam bitor cherum kurioz anv...2
A:Puro puro puro R:I''ll sing another one..
A:Anik naka saiba..kanant passun konv zalem..puro mhunntlaim tem puro anik naka

R: Why are you angry, I'm very sorry,
I'll act free, I dont want your money,
I've asked my daddy, I've asked my mummy,
To teach me to speak to me real Konkani,
A: Afrikak tum Swaili bhass uloitalem,
Arabiak tum Arbi bhass uloitalem,
Germanank tum Germanui uloitalem,
Konknni koxi visorleim,
R: Konknni bhass anv visronk nam,
To speak I was feeling shy ,
Kuznera lagim xinkleam, atam anv koring try,
A: Aple bitor konknni uloitat maim ani pai,
Bhurgeank Inglezin vaddoitat kosli voddvikai,
Kuznanatli bhass mhunn ti kuznan dovorchinhoi,
Tika salan addun man diunk zai....3

15.ANV NHOI KONNACHOSung by Schubert Rose

Iskolak vetanam, eok cheddo maka meuta,
Taka polloun kalliz mojem dukhan bhorta,
Eksuro zadda pondak sodanch tho bosson asta,
Imtteanim, dukhanim tho suskarta.

Anv nhoi konnacho konn nhoim maim-pai mozo,
Nam moipas avoicho, nam adar bapaicho,
Duddu assot zalear sogott soglleamcho,
Nam tor konnuch nhoim konnacho.

Sodankal iskolak vetanam mami jevon bandun dita,
Tem jevonn potan ghalunk kottin lagta,
Jevonncho vell etoch to bhurgo dolleaxim yeta,
Tem jevonn taka ditam, jiv dadosta.

Tho nhoi konnacho, konn nhoi maim-paicho tacho
Sozmon tho bhav mozo moipass kortam tacho,
Dhonia maka dilai mog mummy daddycho,
Upkar anv attoitam tuzo.

Aiz kitle lhan bhurge jietat maim-pai vinnem,
Tankam zolom hea sonvsarnt dila konnem,
Tanchem vid, lhanponnim zaun assa ek umanem
Nam avoi nam bapui koslem dennem.

Anv Put konnacho, mummycho daddycho,
Tim mog kortat mozo, samball kortat mozo,
Saibinn Maie magtam samball kor bhurgeamcho,
Maim-pai naslelea fulamcho...Maim-Pai naslelea fulamcho.

16.ANVDDE TUJE SOMPOIAlfred & Rita Rose
O Ho Ho Ho...Ha ha ha ha...Hai

A: Kapddam tujim vengen dhortam,
Gopan assai mhunn sozmotam,
Rat dis tukach, anv axetam,
Dimbi galun, rozar kortam.

R: Dolle voir kaddun poi, vengen maka apoi,
Anvdde tuje sompoi, marun zompoi,
Atam khoxi zaloi, gopan tujea khelloi,
Kallzak-kalliz melloi, vengent dolloi,

A: Oh moje vengent ailem anjea,
Lipoi maka kallzan tujea.

Both: La la la la la, la la la la la
La la la la la, la la la la la }x2

A: Tuzo rupkar, dolleam mukar,
Kalliz mogan bhorlam chikar,
Boroun dhortam, mogachea bookar,
Kazar zatoch, jieunchim sukar ha ha

R: Sukh tuka meutelem (A: va va )
Kalliz ek zatelem (A: oh my girl)
Eksurponn vetelem (A: oh gelear puro vegin)
Dukh urtelem

Both: La la la la la, la la la la la
La la la la la, la la la la la

A: Utram aikon, khoxi zalom ha ha,
Sonvsarant tan, sorgar paulom,
Ha ha ha ha, O ho ho ho ho ho
Ho ho ho ho, Ha ha ha ha
Ha ha ha ha, O ho ho ho ho ho
Ho ho ho ho, Ha ha ha ha
  17.APOLAlfred Rose

Apol ho, ghostacho, soglleank amkam ruchicho
Apol ho, khait zalear, thembo naka voktacho
‘An apple a day keeps the doctor away’, oxem mhunnttat lok Eropacho
Punn apol ho, niddukaiecho, tech porim ghatki kastacho

Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor

Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor

Rosroxit, ah-a gulgulit, pollovnk dista kaiboro
Tannench aiz, munxeache, sovostkaiecho kela churo
Zogzogta, tem sogllench bhangar nhoi, he mhunnenk asa valor khoro
Apol ho, dista kaiboro, punn gomtteak amchea ghala doro

Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Ah!!! Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar

Ah!!! Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar

Sogllem noixtt, aiz ievnk pavlam, fokot hea apolak lagon
Zuzam pasun, aiz zavnk pavleant, fokot hea apolak lagon
Tem vinglleponn, dolleank disti poddlem, fokot hea apolak lagon
Pottak amchea, vhoddlo burak poddla, fokot hea apolak lagon

Chintun polle apol zhaddar naslo zalear – sirvisek konnuch vetonam
Uskea-meklle sonvsarant hea bonvte asleanv – tim zogddim-zuzam zatinam
Aka nagoi taka fottoi zanvchenaslem – niddukaiek suat mevtinam
Tiatr tumkam funkott pollonvk mevte aslet – tikettinchi goroz astinam

Oh!!! Chintun polle apol zhaddar naslo zalear – sirvisek konnuch vetonam

Uskea-meklle sonvsarant hea bonvte asleanv – tim zogddim-zuzam zatinam
Aka nagoi, taka fottoi zanvchenaslem – niddukaiek suat mevtinam
Tiatr tumkam pollonvk funkottmevte aslet – tikettinchi goroz astinam

Lyrics Courtesy: Domnic Fernandes

18.AXIRVADAlfred =AR & Rita Rose = RR

RR: Danvon anv aileam, loginn choltanam,
Axirvad dhi tuzo Prema, axirvad dhi tuzo Prema,
Dukam sanvronam, kalliz ravonam,
Kitem korchem kaim sozmonam. (twice)

AR: Pollon yea sanglelem aikolenaim,
Dadachem nanv padd zait mhunn kanar dhorlenaim,
Tor atam kiteak anga ailaim, axirvad mozo gheunk ravlaim,
Voximbor tum dolleank mojea pollenakaim ..x2
RR: Paimyeam anv poddtam, patok anv roddtam,
Axirvad dhi mhunn bhik magtam..x2

RR: Prem tuzo kel'lo dadan tho moddlo,
Dusro novro sodun kadlo, kallzak mojea balo toplo,
Mojea mamlo, mhalgoddo cholo, zanchea adim mozo novro,
Matheak mojea mav tum jhelo.

AR : Nam, nam, nam oxem koxem kortolom,
Login tujem zatoch somdiran jiv ditolom,
Hea kallzachi dukh sompoitolom tujem farikponn ghetolom,
Anv mortoch sou moineanim tukai vortolom ..x2
RR: Ucamboll doria, tunch mozo suria,
Sang atam sang kitem koria ...X2

Novro: Kitem gho kaxea, anv novro Raja,
Anga korunk ailaim moj'jea, tum konn re kortai tamaxea,
Konn Rama ixtta, ixtta tum mojea,
Moji vokol ghopan tujea, kitem poitam dollean khaxea.

AR: Chol Prema chol Prema chol voch ghara,
Novro aila lognnancho vell zala,
Tum kiteak zatai voir khala, sangat tuzo korunk aila
Novro; Anga kitem punn assa ghoddbodd ghottala...X2
Logn mojea lagim, prem tache lagin,
Bori mevli maka nagin, chol tumchem anv kortam loginn,
AR: Permishvaran Axirvad tujer ghalchem begin

1.BAHRAINKARACHEM LISSAUMAlfred Rose

Amchea sezreak aslo ek uxear cholo,
Sirvis korchea passot tho Bahrain gelo,
Bahrain vochon tho ekdom feliz zalo,
Panch vorsanim Goeam ailo.

Novem ghor bandlem duddvanchea dhiran,
Kitle ozar moddunk laglo or'ran,
Sodanch bonvo texin ou motoran,
Aslo sukhachea bharan.

Punn tin vorsanim sirvisecho kaddlo,
Ath paim koullun Bombaim euncho poddlo,
Zodddla titlo poiso khospayeank moddlo,
Bomboi evun dukhanim roddlo.

Goeam gelo pun mevlinam chakri,
Duddu nam zaun zaunk pavlo rinnkari,
Ghor paunner poddon zalo bikari,
Eok kott’techo bikari

Jivitar kernam sukti et somzonam,
Tea velar kitem ghoddot tem gomonam,
Pausacho purument zor tor korunk nam,
Paus etoch roddon faidonam.

Duddu nam zalear tum konnank naka,
Bahrainkarachem lissanv tuka maka,
Zoddta tantlem samballunk visronaka,
Ek diss upkarot tuka.

2.BAILANCHI RITSinger -Alfred Rose,  Lyrics: Neves Oliveira

Todde Gulfak vetat, bail bhurgeank aplea diunk sukh,
Punn bailo chintat ghov Gulfak, roitat mhunn duddvamche rukh,
Dusrim kon mhunntat, ghov aplo abgotir chief cook,
Chintinant tem diunk apleak sukh, ghov kosle kadtat te dukh.

Konn eklo Goeam sutier eun, porto gulfak ghelolo kazar zaun,
Roomant aplea kazarachi party dili ixttank apoun,
Kazarachi, video cassette ailolo gheun,
Party choltanam ti cassette, sogleank dakoili laun.

Te cassetir, ek kazari bail distali,
Konnak ekleak ghott ti dorun, oxi toxi nachtali,
Ti nokre kortali, tenkon tenkon taka bostali,
Kazarak ailelim soglim, tika polloun anstalim.

Te ratik te partiek also, ek mogacho amig tacho,
Modench party soddun ghelo jiv boro nam mhunn apleacho,
Sodanche porim, sokalim aplea kamank vocho,
Khotta aksidentak sampodlo, konn sangtolo koso.

Rostean vetanam, kosleo tokler poddleleot ratti,
Fatim fuddem kiteak pounknam, kitem chintalo motin,
Chintalo videor, kitem dekhlelem choltanam partin,
Ti zaun asli bail tachi, videor nachtali te rati.

Bail burgeank lagon kitle, ghov sakrifis kortat kazari jivit,
Zor bailanim oxem kelear ghovank kitem bogonam zait,
Respetan ravon, jevat ghovachea koxttamchem xith,
Kazarank ghelear kaimch nezo, pun sambalat kazari bailamchi rith.

3.BEATRICE - Alfred Rose

Kalliz mojem mogan poddlam...x2
Borem poi tem cheddum vinchun kaddlam,
Mogan poddon ham khoxen bhorlam...x2
Dekun sukhachea somdiran buddlam,

Tachem nanv Beatrice, novro anv tiatrist,
Kai borem nachta twist, bhietam zait mhunn distt,
Jinsanvar korta fiss, mojem Beatrice.

Nachak ghelear bendd aloita,....x2,
Boream nachpeank tem rokddench bhuloita,
Kantar tem korit tor sal ghazoita,....x2
Maka sarkoch 'No where' korun uddoita.

Noxib hem ukoddlem, jivit pois dukol'lem,
Sogllem mudar zalem, mojem nessopui sudorlem,
Voklek lagon anvem nachonk xinkchem poddlem.

Adim anv bonvtalo pisso kosso...x2
Beatrice-an kela maka osso,
Adim anv sarkoch pisso disso,
Adim anv saiba mengo disso,
Mogan poddon poiat zalam sonso.

Nesson bhonvtam kasfis,nam maka khotte viss,
Kortam anv sakrifis, kazarache mezun ravlam diss,
Maka kett korit tor melem Beatrice......x3

4.BELA BELA - Alfred Rose

Calangute, vhoi Calangute, anv gelolom jetan,
Mozo ghutt, kallzacho ghutt, buddounk sintimentan,
Vatten choltannam nettan, moji nodor geli xetan,
Deklo eok cholo, kantar kortalo, tamborin gheun atan,

Bela-Bela, minha Bela,
Sobit tum bhagintlea fula,
Bela-Bela, mojea Bela,
Dhavon heo gopan, poi tujea mogan, kallzak veddo ghala.

Kalliz mojem murgottlem, Belachem nanv aikon,
Sintiment anv kaddtalom, fokot Belak lagon,
Soglloch anv khoxen bhoron, sarko ghara gelom dhanvon,
Up-to-date nesson, zonelar bosson, sad vho ghalo ravon.

Bela-Bela, minha Bela,
Mogacho bhorvanso dila,
Bela-Bela, mojea Bela,
Tujeam utranim, tujeam chintnanim, kallzan ghontter kela.

Tallo mozo aikon uttlo sogllo amcho ganv,
Bhirantin zonel bond korun, bitor ravlom anv,
Motin kortalom tessanv, pattlea darantlean marunk danv,
Pattlean poi zalear Belacho papa raula voddunk kanv.

'Bela-Bela, tuka zai Bela',
'Naka' mhunlem 'Guneav saiba zala'
Bela-Bela, anga ye Bela'
Dogaimchem kazar, atanch kortam, chol padri sorxim chola'.

5.BEAUTIFUL GOA - Singer Alfred Rose, Lyrics Gable

Goa Goa beautiful Goa
Sobit sundor amchem Goa
Goa Goa bhangarachem Goa
Udentichem neketr Goa

Goa bhorlam denneanim,
Ambe ponos maadanim,
Kazu zaadam ani sobit fulamnim,
Roste ghaaram xettanim,
Igorz Templam porsaanim,
Roma xhar mhunnt'lam zaanaranim..}…repeat

Goa Goa Indiek sobit nanv,
Sonvsarak vhodd istimossanv,
Goa Goa Devan shinvrailam bessanv,
Sovostkai aslo mai des aamcho gaanv.

Girest tuje dongor
Toxech mittache aagor
Khaadini bhonvtat - kastache mongor
Dorean masleche tigor
Aagboti ubteo soddun nanghor
Gaadyeo planena aassa dudh sagor

Goa Goa sodanch tum aamka zai,
Konkani bhaas amchi mai,
Goa Goa asteli sovostkai,
Assot tor Saant Francis Goencho pai.

Matien asa bhangar,
Doriyant aasa bhangar,
Aatan gomtyan Goenkaranchea bhangar,
Khellanui uxar xinkpanui uxar,
Nachonk vazounk kantar mhunonk uxar.

Goa Goa beautiful Goa
Sobit sundor amchem Goa
Goa Goa bhangarache Goa
Udentichem neketr Goa…..3 x

6.BESSANV NASTANNAM KAZAR - Alfred Rose

Main-pain maka vaddoun xinkop dilem,
Mogan anv poddtoch, tannim kitem kelem,
Kazar zainakai mhunn, zaitench sanglem,
Kazar zaxi tor, ghor tuka bond zalem.

Cheddvak koxem soddtolom,
Kalliz koxem dukoitolom,
Itlim vorsam taka gheun bhonvlolom,
Ubot koxem ghaltelem,
Main Pain bessanv aplem dilemnam,
Kazar anv zalom, ghorchim nastanam.

Thoddeam disanim anv ghara gelom,
Kallim thondam poun dukhi anv zalom,
Mojeach gharan anv, eok dusman koso zalom,
Bhau Bhoinnam anslim, matxe khoxi zalom.

Devan amger bab dilo,
Bhoinnik gheun bhau pollounk ailo,
Putak mojea, tho ghara vortalo,
Bailekui kednaim tho gheun vetalo,
Bhurgeak lagon maim-pai mudar zalim,
Doxim zal'lim kallzam porot ektaim zalim.

Pai main ghorabeachem nattok kelem,
Sezarchea lokak thond korun dilem,
Bessanv dinastannam mojem kazar zal'lem,
Rogot tem rogot, porot ek zalem.

Oxem aiz zaitinch zannam kortat,
Bhurgeak aplea tim dukhan ghaltat,
Bessanv aplem tim addaitat,
Porot sogllim magir ekttaim zatat,
Lokan tanche modem poddchemnhoi,
Pai maimnim chitchem, nattok korchemnhoi.

7.BHURGEANCHO KANEORAlfred Rose

Anv kazar zalom porum, punn hea vorsa zalom pai,
Ekech pavttim poi dogam zannam, baba anim bai,
Maim mhunnta putager ailo xamaim anim xapai
Eklem roddlear dusrem bobou marta hai hai

Guneanv konnancho, guneanv Devacho,
Kiteak Dhoniam, ekech pavtt diloi kaneor dogamcho.

Tim zaleleak gharan suseog nam, dissui bhor goddbodd,
Bail mhunnta apunn eklich aplea pai mainchi kunvor,
Bhurgeank konnanchim nanvam ghaltai, tim chintun dovor,
Aploi xapai-xamaim ailean mhunnta bhitor.

Maim mhunnta ek, anim bail mhunnta ek,
Doullun doullun mojem kelem Baltimanchem kek.

Main anim bailen dogainim tonchun maka khelo,
Sonsunk nezo zatoch vho kauz padri mukar velo,
Bailen sanglem, mainui sanglem, to padri ghuspolo,
Khuimcheai Santachem nanv ghal mhunnon sango laglo.

Maim mhunnta hum ani bail mhunnta tum,
Tantun bhurgim roddonk lagtat umge-umge-um.

Dista maka patkam mojim zalean mista choddam,
Dekun Devan hi khast dadlea diun dogam poram,
Nanvank lagon gharan poieat koslim zoddam moddam,
Bhirant dista chintun mojim zait mhunn addam.

Nakan khuris kaddtam, kanank mojea dhortam,
Anik sonsot naka Saiba, paimyeam tujea poddtam.

8.BHURGEAPONNAR - H.Britton-Alfred Rose & Rita Rose

Astanam ami bhurgim lhan, xinkop gheunk vetam iskolan,
Xinkop dita abru mann, dadosponn bhogta kalzan than,
Pun amchea bhurgem vidaan, disbor astam khellanchea nadaan,
Tor atam pasun dor athan, pai maim xinkop ditat, sonsun apli bhukh tan.

Bhurgeponnar, astanv ami nennar,
Bhurgeponnar, tokler asonam baar,
Bhurgeponnar, hanson khelon dis te sar,
Tea vellar ami chintinam kitem zait to fuddar.

Xinkop nastanam astanv, sirvis sodunk tum bonvtai,
Xinkop tuka vichartoch, adlem jivit nialltai,
Xinkop ghorjechem mhunntai, tea vellar tum xinkonk vavurtai,
Chintun chintun fugar zatai, aso nam upai, tukach tu xinntai.

Bhurgem jivit, zaun asta pormollit,
Bhurgem jivit, zaun asta sobit geet,
Bhurghem jivit, porot amkan konn tem diit,
Kortaum ami voddli jit, hem zaun vhodli rith

Disan dis xinkop vaddta, bezo uzar korcho poddta,
Xinkpacho mog asot tor, koslem xinkop toklen rigta
Zaitim zanam kazar zata, tori xinkop chalu dovorta,
Toddim xinkonk axeta, adhar nam zata, Pai maink tim xinntat

Xinkop nam tor, jivit bhurgeamcho khell,
Xinkop nam tor, jivit innocent jail,
Xinkop nam tor, vochot thoimsor zatanv fail,
Dekun xinkop korum-ya ogddai nastanam vell..x2}

9.BIZLECHO PAVORAlfred Rose & Rita Rose

A:Bavli dista mennachi, nodor tujea dolleanchi, bizlecho pavor
Sobai tujea poleamchi, sobitai aboleanchi
R:Tunch Mozo kunvor
Nodor tujea dolleanchi, bizli mojea kallzachi mogacho dunvor
A: Dunvor bhorla dolleanim, mog rigoila kallzanim, tunch moji sanvor

R: Tuje vinnem ravom nezo, eksurponnui sonxi nezo
A: Tum bai mojem hanvui tuzo
Both: Gopan dhorun paloi mogacho uzo!
Bavli dista mennachi, nodor tujea dolleanchi, bizlecho pavor
Sobai tujea poleamchi, sobitai aboleanchi
Tunch Mozo kunvor

A: Sukhnim uddta zomeanim, bhagi bhorlea fulanim
R: Ful tum mogachem
A: Xegunnachi tum ranni
R: Tum hea kallzacho dhoni, neketr sorginchem
A: Ah! Sorgar maka pavoitai, gopant dorun khevoitai, mannik kallzachem
R: Kalliz tukach bhettoilam, mogan neketr pettoilam
A: Sukh fuddarachem

R: Tuje vinnem ravom nezo, eksurponnui sonxi nezo
A: Tum bai mojem hanvui tuzo
Both: Gopan dhorun paloi mogacho uzo!
Bavli dista mennachi, nodor tujea dolleanchi, bizlecho pavor
Sobai tujea poleamchi, sobitai aboleanchi
Tunch Mozo kunvor

R: Sambav maka fottoixi, dukhan maka buddoixi
A: Nam buddovcho nam
R: Rupem maka dakhoixi, bhangar mhunnon fottoixi
A: Toxem korcho nam
A: Ah Mog kallzan rigla bitor, yet pasun khoimcho dotor,
kaddunk zanvcho nam, bandlear passun dhoranim
marlear pasun taranim
Both: Tuka soddcho/soddchim nam

R: Tuje vinnem ravom nezo, eksurponnui sonsi nezo
A: Tu bai mojem hanvui tuzo
Both: Gopan dhorun paloi mogacho uzo!

A:Bavli dista mennachi, nodor tujea dolleanchi, bizlecho pavor
Sobai tujea poleamchi, sobitai aboleanchi
R:Tunch Mozo kunvor

10.BOLDUNK GHODDCHEMNAMAlfred Rose

Ho sonvsar ghoddla zait konnem?, vortouta sompem umannem,
Hea sonvsarachem sukhanem, munxeachea athan dilam tannem,
Bodoltea temp pormonnem, munis samke zaleat xannem,
Hem sudaropachem dennem, yeunk nam Devache podve vinnem.

Scientist chintele, eka eka fuddem vaurtele,
Thodde ghoddtele, punn thodde lasun gobor kortele,
Sonvsara bhaili porikxa, korun zoit voronk sodtele,
Punn rochtele Bapaik zai zalear,jerul chondriman pautele.

Adlim vhoddilam mhunntalim, ontrollar tarvam bonvtelim,
Him utram nennar distalim, punn zanvaiechim vortoutalim,
Dolleanim ami pollelim, tarvam munxeani ghoddlelim,
Hea poros vhoddlim ojeapam, sonvsarant disti poddtelim.

Zannvai munxeachi voi dis an dis vaddon veteli,
Podvi Devachi nam zait tor dul mati zateli,
Devak mandta tem korit tor, Devachi podvi meutoli,
Punn munxeak jito korunk chintit tor, Devachi podvi sompteli.

Aple, ikmotin borem kelea bogor rauchenam,
Apunn ghoddtele, apunnuch moddunk vogot korchenam,
Apnnem poi kaide ghoddleat te, boldunk vogot lauchenam
Punn sonvsar portilo passun tor, dha mandament boldunk ghoddchenam

11.BOREM JIVIT JIYE - Alfred & Rita Rose

AR: Deva Bapan sonvsar rochun monxakuch bhettoil’lo
RR: Adanv bapan utor tem moddlem, apol marun kalliz hem foddlem
Toxench tacheam heam chintnank lagon Devan infern ghoddlem,
Magir Raj aplem Devan oddlem, tantunt gelem sukh amche modlem,
Torui Jezu Krist sonvsarant ieun aplea mogan zoddlem

CH: Both
Monxa borem jivit jie, ekleach Devak tum bhie,
To tuka udok dita poi titlench tum pie,
Avoichea hatant poddtoch nie, somoz tuje palovtat mhunn dive,
Dekhun sangtam dublleanchea rogtant ximpche nhoi muie

AR: Sorgar zata toxem sonvsarant zaunk monxak nam ontoskorn’n,
RR:Devan monxak dilam konsiens, sonvsar choloi mhunn gheun pasiens,
Nachon, uddon ani lokank fottoun mhunnchem nhoi aplem bens,
Samson mhunno boll aplem he kens, taka lagun bandche poddlet lens,
Koxe bhaxen ho sonvsar monxak kortolo parabens

(Repeat Chorus....Monxa borem jivit jie…)

AR: Kakut Devachi monxak ravta monis moro pasun,
RR:Monxa rochla tuka Dev Bapan, ghoddun aplea sarko ek mapan,
Tor kiteak tum tachem borem lipoitai dukhachea kapan,
Tujem konsiens bhizoi sopan, golloinakai sonvsari gopant,
Zachea bollan tum dublleanchem rogot piutoloi kopant

12.BUT YOU LOVE ME HUBBY - A -Alfred & R - Rita

A :You're my pretty wife,
With a tongue like a knife,
R:But you love my hubby,
A: To girls when I talk, You look like a hawk,
R:But you love my hubby,
A: I'm not born in June, To dance to your tune,
R:But you love my hubby,
A:When you're in the mood, You're so very good,
R:But you love my hubby,
A: On the dance floor with someone
When I do the soll,
You stay at the corner,
And shoot me in the goal,
I don't know what to do,
With a woman like you,
R:But you love my hubby,
A: An Angel you look, but oh what a crook,
R:But you love my hubby,
A:You talk like a train, and walk like a plane,
R:But you love my hubby,
A: On my wedding day, 'I do' why did I say,
R:Cause you love my hubby,
A:You scratch me with your paw,
When I talk to my mother-in-law
R:Cause you love my hubby,
A: It's a long time we're two, Darling come let's be three
R: Oh no my dear hubby ,I want to be free
A:Oh I dont know what to do,To a woman like you
R: But you love me hubby.....2

13.BUZLET OZAR - Alfred Rose

Konsu mauxen soirik haddli, main’k mhoje sap naddli,
Vokol B.A xikleli social worker vhoddli,
Maim mhoji khoxen bhorli, pon’nas hozar doth magli,
Dekhun mista voklek hanvem mathear marchi poddli.

Kazar kazar zalom doth gheun pon’nas hozar,
Donuch mhoineamnim Saiba zalom bejar,
Dothik bulon hanv foslom sangtam sobhemazar,
Sodankal hotelailem jevonn amchea mezar

Yeta teo modi korta, choltana zhoddta-moddta,
Miniskirt ghalun ti soglleam cheddeank bovnaita
Tankam ghara lagim haddta, mhaka tancho ‘waiter’ korta,
Pon’nas hozar doth ghetoch mista oxem ghoddta

Hai baile mhoje mogache baile mhoje,
Kuznant kaim xizon’ kitem jevteleanv sanje,
Oxem hanv mhunntokoch rag toklek choddta tiche,
Ragan mhunnta Goeam vochon mhatare maink hadd tuje

Kaddi poddot tor kaddinam, chav pasun korinam,
Don mhoineank att sirvidoram ekui mandonam,
Mhaka matui lekhinam, utor mhojem aikonam,
Pain mhojea doth dilea mhunnta tum mhaka poxinam.

Avoi pon’nas hozar, ghetlet pon’nas hozar,
Sonvsar kortolom mhunn zalolom kazar,
Konsu mauxechem borem zaum mhunn kortam rozar,
Keleli axa zali ga doxea bhuzlet hozar.

Updated 14th March 2013