Tuesday, September 23, 2008

Mando Ani Dulpod - Alfred N Rita Rose Special


1. MOGACHO EDU – Rita Rose

Nidlelea moga, tunvem utoiloi, motorani bonvdailoi,
Muscatche gorment, kallzan lipoiloi, Goeam addun fankrailoi

Chorus: Kallzak hea kellai jadu, gheun bonvtam tujo fottu }
Edward tujem nanv, punn mogan tuka mhunntam Edu…..}..2

Kongottche praier, Colvache praier, skooterani bonvdailem,
Ponnje Miramar, festank ani dansank vengent maka gunvdailem

Repeat Chorus...Kallzak

Anv rautam tuka, tum rautai maka, kitlo temp oxench ranvchem
Ankvarponn hem sonsunk zaina, veginch dista kazar zanvchem

Repeat chorus...Kallzak

Nanvuch tujem kadlear, fottu athin ghetlear, kalliz mojem boddouta,
Prayer danvtanam, renven loutanam, dovantlo ugddas yeta,

Repeat chorus....Kallzak

2. TIN VORSANCHO SANGAT – Alfred Rose

Tini vorsamcho mozo sangat,
Derefent zata dista separad,
Ugddas tuzo yetolo moga mojea, dis ani rath,..}
Nodrek tuje distti poddchonam gho math......... }..2

Moga ami, zaitench bhoglem, Devan amkam bhogxilea puro soglem...2

Tuka lagon zaite anvem bogle dizgras,
Chintlem nam gumteak galit mhunn fas
Kazar zaunk moga anvem tuji keli na gho ass...}
Punn tunvem forsan maka dili bhass.................}...2

Moga ami, zaitench bhoglem, Devan amkam bhogxilea puro soglem...2

Gharantulo bhair anv sorlam to dis pasun,
Rautolom chittiche tuje dis mezun,
Tokli moji virar zaunk pauli tujem chintun chintun..}
Tunvem maka daddlai teo chitti vachun...............}...2

Moga ami, zaitench bhoglem, Devan amkam bhogxilea puro soglem...2

3. DOVRINAKAI ANKVARAlfred & Rita

F: Tuka rautelim anv ankvar, moga kedna zatai kazar,
Kazar zainai tum zalear, soddtelim sonvsar, mogan zaleam virar....2

Poilo deklo tedna tuka, mojea kallzan riglea axea,
Mhunnon nakai tum pixea, di naka doxea, mogache tum buxea...2

M: Tuka rautalom anv ankvar, moga kedna zatai kazar
Kazar zainai tum zalear, soddtolom sonvsar, mogan zalam virar....2

F: Tuka disacho nialltam, ratcho sopnant tuka dektam,
Kallzan fugasanv bhogtam, rozaran magtam, vattek dolle laitam...2

Bostoch bolkanvantle sopear, dollear yeta tujo rupkar
Mozo mog tuka aslear, yea mojea uskear, dourinkai ankvar...2

M: Tuka rautalom anv ankvar, moga kedna zatai kazar
Kazar zainai tum zalear, soddtolom sonvsar, mogan zalam virar....2

F: Anik dourinkai kontin, sodanch niall tuje motin
Soglo sonvsar tuje vinn, lagta re kotinn, veginch kor re potin...2

M: Tuka rautalom anv ankvar, moga kedna zatai kazar
Kazar zainai tum zalear, soddtolom sonvsar, mogan zalam virar....2
F: Mozo mog tuka aslear yea mojea uskear, dourinkai ankvar...2


4. RAUTAM TUKA Rita Rose

Anvem sodeleli axea tuji,
Tunvem pissudli khoxi moji,
Pai don bhurgeamcho, bapui tum tancho, dhorli ass ostoreamchi.. 2

Ye anv rautam tuka, so-danch rautam tuka...
Duddu tuje kabar zatoch tim bhair ghaltelim visronaka .....}...2

Tum geloi mhunn anv kainch mhunnonam,
Tuka vaitt pasun anv magonam
Noxiban assa, tench anv bhogtelim, tujer xirap soddchinam...2

Ye anv rautam tuka, so-danch rautam tuka...
Duddu tuje kabar zatoch tim bhair ghaltelim visronaka .....}...2

Tornem rogot tujem denvtelem,
Tujem natok ek dis somptelem,
Ath motve zatoch, sogleani soddtoch, darr mojem uktench astelem....2

Ye anv rautam tuka, sodanch rautam tuka...
Duddu tuje kabar zatoch tim bhair ghaltelim visronaka .....}...2

5. ANV TUJEM TUM MOZO – Rita Rose

Altara mukhar ubim rauleanv,
Estolan hath bandun sontosleanv,
Somdirant guspotaleanv, uske pass zaleanv, xekim aiz ektaim zaleanv...2

Anv tujem, tum mozo, kallzak petla mogacho uzo....2

Mudi ghalun gulfak geloloi,
Thoimsoir pavon maka visorloi,
Sant Antoni lagim magtoch, novena kortoch, porot tum amger ailoi...2

Anv tujem, tum mozo, kallzak petla mogacho uzo....2

Mudi tujea aiz zalea bottak,
Mozo hath dorlai tujea attak,
Tum vetai thoim vetelim, sodanch rautelim, saullek toxench tea vottak.

Anv tujem, tum mozo, kallzak petla mogacho uzo....2

6. MOGAN PIXE ZALEAlfred & Rita Rose

C: Tambdde tambdde tuje polle, polloun pixe ami zale
Kallzant martat gho balle, martat gho balle,mogan pixe zale.}2

CH: Amkam naka tumcho mogu, Papa mama korit fogu
Ami marinam lagu, marinam lagu dourinakat ragu ..}2

C: Ami bhurge ekdom uxear, ponje xinkop kelam passar
Tumi zaxeat tor kazar, zaxeat tor kazar, dotik naka ozar...}2

CH: Tumchi utram lagtat goddu, tumi chedde ekdom naddu,
Ragan zainaka koddu, zainaka koddu, nakat tumche duddu..}2

C: Tumkam bhorteleanv bhangaran, bonvdaitele motoran
Amche osole noure, osole noure, meuchenant sonvsaran..}2

CH; Tumche tondan assa sakor, kallzan dukicho assa vakor
Poddtoch rateran bitor, rateran bitor nakar poddot fator..}2

7. NOXIBAK RODTAM – Alfred Rose

Sorgavelo anj maka mhunntalem
Ghodd ghodd utramnim lettoitalem
Bheij maka ditalem, vengent gheun khelloitalem
Kednach sodchinam mhunn sangtalem

Noxibak roddtam, tuka xinnona
Soddun maka gelim mhunn tuka vaitt magona....}2

Devan mojer areychem dunems dhaddlem
Hatt paiem cholona, kattir rauchem podlem
Tujea mogachem dennem atam maka zai aslem
Punn maka soddun tum ankvar cheddeank gheun poulem..}2

Noxibak roddtam, tuka xinnona
Soddun maka gelem mhunn tuka vaitt magona....}2

Sezareani ajilant maka ghalla,
Sonvsark upkarona toso bheos zala
Kazara dis jurament altarar mukhar tunvem dila
Punn tho jurament tunvem bajun kheila..}2

Noxibak roddtam, tuka xinnona
Soddun maka gelem mhunn tuka vaitt magona....}2

8. KEDNA KORTAI KAZAR? – DUPOLD – Rita Rose

Ch: Kazarachim anv zalim moje maim, kedna kortai kazar
Rostean choltanam, sezarcho santan korta muge bejar..}2

Mai: Bhienakai tum papa tugelo gela mugo tarvar
Kazar koruncheak zoddun addtolo ozaranche ozar..}2

Ch: Pondra vorsachim zalim moje maim kazar yeta dolleant,
Niden sopnetam, kallzant anvdetam naka dista sonvsar..}2

M: Oh ede sokalim kazar nhoim tuka, tujea bhurgeponnar
Kazar zaxi tor roddtolem mukar tujea matarponnar..}2

CH: Sezarchim cheddvam kazar zalim maim, anv rauchinam ankvar
Pondra vorsamchi okol zalim maim, jivit zata pikar..}2

M: Oh ede sokalim kazar nhoim tuka, tujea bhurgeponnar
Kazar zaxi tor roddtolem mukhar tujea matarponnar..}2

9. MUDI PORTUN DILI – Rita Rose

Soirik zali maka, tednach deklo tuka,
Kitlea loka modem amchea gharant, mudi ghali maka
Anv loztalim tuka, tum loztaloi maka,
Janerant kazar zanvya mhunntaloi, hem tum visronaka

Anv barik assa mhunn, main tuje soiriki moddunk laili,.. }
Mojea abruchi beporva keli na, mudi addun portun dili.. }2

Sogott maka kendta, nourean soddlem mhunnta,
Oklek kosolem punn nott assa, mhunn gozali korta
Noure zaite yeta, khobor kodtoch veta,
Mudi galun soirik poilich modlea, kiteak te vincharta

Tuji maimchem aikon, tumven maka sonvsarant lojek ghatlem..}
Mojea jivitacher khot naslem, tumven mojer khot ghatlem }2

Zaunk zai tem zatelem, ghoddonk zai ghoddtelem,
Noxiban dukh bhogunk assa zalear, tench bhogchem poddtelem,
Tukai ek bhoinn assa, tem vodlem zatolem,
Maka tunvem kelam toxem taka goddot, tednach tuka gomtelem

Anv hath zoddun magtam, magnnem kortam,sodanch tum sukan bonvonk,
Tuji maim sodta tosli motti-motti okol beginuch tuka mevonk

10. EKSUREM JIVIT- Alfred Rose

Aslem tedna mojea dolleam mukar,
Sorga porim diso maka sonvsar
Khorem tem moga zatam anv kumsar..}
Tuzo mog sodanch urlo kallzar....}2

Eksurem hem kalliz mojem,
Roddta tuka dis ratrichem,
Sodanch dollear yeta rupnem tujem...2

Thoddoch temp tum mojea gopan aslem
Atam sandun dolleam bhair tum gelem
Mojem kalliz tumven chorun velem...}
Tuzo ugddas dovrun koddsorlem.....}...2

Eksurem hem kalliz mojem,
Roddta tuka dis ratrichem,
Sodanch dollear yeta rupnem tujem... repeat

Sundor sobau tuzo neketracho
Modur tallo tuzo sanvorecho,
Tuzo anso maka bhangaracho....}
Sopnan yeun dakoi rupkar tuzo..}....2

Eksurem hem kalliz mojem,
Roddta tuka dis ratrichem,
Sodanch dollear yeta rupnem tujem

Konkani Film Songs

AMCHEM NOXIB - 1963

MOLLBAILO DOV* - Singer: Molly
Film: Amchem Noxib - Lyrics: C.Alvares - Music: Frank Fernand

Mogan assonk borem, jivit sukhi khorem,
Xitollkayechem varem, kallzan asta purem,


Borea mogacho fov, amkam ditolo Dev,
Fullam zatat mov, poddon mollbailo dov,

Nodor amcher poddon, suknnim gelim uddon,
Nustem poita buddon, nirmonn ailem ghoddon,

Udkache marun lhar, ugoddlem mogachem dhar,
Mogacho goleant harr, pois chintnamcho bhar,

Fulam soboita bhag, mogan nivoita rag,
Mogacho kallzak dhag, osoch uronk to mag

Mogan buddlam kalliz, lagon dolleamchem viz ,
Mog tuzo kela niz, zalear puro feliz., 


BENKNAITA PAI* - Singer A= Antonette, AM = Anthony Mendes
Film: Amchem Noxib - Lyrics: C.Alvares - Music : Frank Fernand

A: Tum nasloi pun tuka sweater kori,
Tujench chinti eklim aslim khorim,
Ugddas yetoch sweater hordhear dhovri,
Fugasamvan moje dis anv sarim,
Ani roddtalim dhakttulea bhurgea porim.

AM: Anvui pisso assam tujea rupan,
Maria chondrim tum distai kupan,
Kazar zaunk lisens diit zalear papan,
Dhorchonam anv sarko olen supan,
Magir astelem tum sodanch mojea gopan,

A: Valees tujich maka axea,
Mog tuzo kortam anv khaxea,
AM: Vhodlean sango nakai pixea,
Makai mog tuzo buxea,

A: Veguinch ami kazar zaunk zai,
Kosloi Valees tum kor upai,
AM: Kazar zaunk koxi yeta bai,
Punn Benkdaita tuzo pai,

A: Biyopachem Valees kor tum thoddem,
Poi kai borem amchem sobta zoddem,
Kazar zatelim anv tuje koddem,
AM: Varem nastana amchem cholta voddem,
Punn papa tuzo korit mojem moddem,

A: Tem tujea monantlem visor Valees,
Papak mojea tosoli nam malis,
AM: Vollkotam papa tuzo vhoddlo talis,
Tonddanui ullounk to mottho falis,
Maka mocheank korta toso korit palis.

A: Kazar zaunk Valees zau raji,
Khoxi moddi nakai moji,
Anv sangatin zatam tuji,
AM: Khaunk kazarachi soji,

A: Mogan dolleamcher ailea sai,
AM: Kazar zaunk khoxi yeta bai,
Khoxen bonvtolom bandun tie,
Zatoch chogam bhurgeamcho pai.

SONTOS BHOGTA* - SingerMolly
Film: Amchem Noxib - Lyrics: C.Alvares - Music: Frank Fernand 

Don kalzam astoch ekech faxen,
Sontos bhogta dusrech baxen,
Kalliz konnak ravta zait axen,
Murgott'tta umedin tem khoxen,

Mogache korinezo vantte,
Parkunk zainam kitle fantte,
Mog kudd'ddo noko toplear kantte,
Poi nam to konn kudd'dde konn thontte,

Sukh bhogta hoi mogan, ken'naim astai ragan,
Mog ulloita lagan, bhonvonk bhagan,
Kallzak kalliz doddta, hordeant bitor voddtta,
Hem fokot mog kornaram modem ghoddtta,

Repeat don kallzam...... 

YEO MOGA* - Singers: Martha (M), Arrosim (A), Mollie & Chorus
Lyrics; Remmie Colaco Music Frank Fernand Film: Amchem Noxib

M:Yeo moga tum mojea sukha,
Tuje vinnem konn maka naka,
A: Anvuim tench sangonk sodi tuka,
Kitlech dis zale sodtam xekim tum mevlem maka....}Repeat

Lal lal lal la la, Lal lal lal la la,
lal lal lal la la, Lal lal lal la la,

M:Fuddara mojea visvass mojer dovor, (papam papam)
Kazarachem utor diun dhadoxi kor (papam papam )
A: Kalliz tujem mojea mogan lasta,
M: Hoi tor, tum vortoutai mojea kallzacho kunvor.

M::Tum meulear kitle dis zale,
A:Sodunk tuka voule dolle,
Mogak tujea axetat chole,
M: Mhaka naka dusre konn, moskoreo korxi polle.

lal lal lal la la, Lal lal lal la la,
lal lal lal la la, Lal lal lal la la,

M:Mogak tujea lagon zaleam pixim,
Chintunk nam anvem ek zait mhunn oxim,
Sodanch mogan bonvchim atam bonvtat toxim,
Moro passun ami zanvchim nhoim doxim.

M:Kazar zaunk tum assai kobul,
Ho mog mhozo korxi tum nul,
A:Sobit tuje dolle te azul,
Poilech nodren zalom gul,pounk(tum) distai bagintlem ful.

lal lal lal la la, Lal lal lal la la,
lal lal lal la la, Lal lal lal la la,

M:Sang moga kitem assa tuje motin,(papam papam)
Kiteak ogich assai ath dovrun athin, (papam papam)
Mog mhozo visron, ghalinakai khontin,
A:Kortolom tuka fuddarachi potin.

Lal lal lal la la, la la la la,
lal lal lal la la, la la la la,

MOGACHEM TARUM* - Singer: Anthony Mendes

Film: Amchem Noxib - Lyrics: M.Boyer - Music: Frank Fernand

Bestench ragan chavon, kiteak vetai dhavon,
Tujea mogan poi voitam, anv bhavon,
Mogan zaitem baye ghoddta, ken'naim hansta, ken'naim roddta,
Punn tem tunvem,hanvem somzochem poddta.

Moga tum mojem sukh, moddtam mogacho rukh,
Gopant astoch tum lagona maka bhuk
Hacho mog kelolo porum, danvta koxem haka dorum
Doriant lotton voita, mogachem tarum.

Painneant dolloitam mhunnon bestench mhonntlem,
Mog somzonam poiat hem rangan ful'lem
Dubav lagta hem konnakui punn bul'lem
Hem maka fottoun fottoun kalliz tuntoun, hath dakoun chol'lem...}repeat

Moga zalem tem zanv, mhozo goddacho panv,
Mhaka soddxi tor jiv ditolo hanv,
Mhaka buloilolo forsan, mog zalolo gelea Marsan
Azun pounk nam hanvem mogachi goddsan.

Mog tuzo assa mhunnon danvon yetam,
Zalem tem zalem soglem visor antam,
Tuji khoxi kor, soglem sonsun ghetam,
Punn tuka fudarachi ranni korun, raza anv zatam....}repeat 


MANDO GOENCHO* - Singers: Julie-Juliet-Molly
Film: Amchem Noxib Lyrics; Remmie Colaco Music: Frank Fernand

Kalliz khoxen bhorlem amchem, kitlem borem fest hea ganvchem,
Kalliz khoxen bhorlem amchem, kitlem borem fest hea ganvchem,

Amchea monan, hem dovorchem,
Ugddasan fuddlea vorsak yeumchem.....}repeat

Ganvchem fest kortat Goenchi xaram,
Kaiborem nesun aplim ghoram,.....}repeat

Zantim toxim, nentim poram,
Urben sartat festachim oram,.....}repeat

Ho mando Goencho khoro, nachonk kitlo boro
Hurba addta haro, vazlearuch puro,,,,.....}repeat

Soglli rat, nidh nam math
San'nam vodde korunk ukddonk dovorlam bhat.

Ratche ranant amche roddtat kole,
Disache ganvant fiunni ghaltat chole...}repeat

Festa dis, ferient mis, happy feast
Mhunn chedde cheddvank ditat kiss....}repeat

Bagint amche sobit fulleant fullam
Thoimsor muss bhonvtat, sangucheak tallam....}repeat

Ya Ya Ya Ya....Ya Ya Ya Ya.....Ya Ya Ya Ya
Ya Ya Ya Ya....Ya Ya Ya Ya.....Ya Ya Ya Ya 

I LOST MY HEART TO YOU* - Singer: Molly
Film: Amchem Noxib Lyrics: Alfred Rose Music: Frank Fernand

I lost my heart to you, I don't know what to do,
Please tell me darling you love me  too,
I'm longing for you.

I lost my heart to you, when will my dreams come true,
Come to me Darling, I'm feeling blue,
Waiting for you.

Darling now if you were near me,
Near me with smiling face,
No one I need to cheer me, when I am in your embrace

You are my first and last one,
Deep in my heart you shine, 
When will you whisper a word just one and say you'll be mine.

NIRMONN - 1965

CLAUDIA* - Singers: Antonette (A) Romeo(RM) Martha (M)
Film: Nirmon - Lyrics: C.Alvares - Music: Frank Fernand

A:Claudia Mogachea, urbe bhorit jiv asa mhozo,
Claudia niz mhojea, dolleamcher xapla rupkar tuzo
Claudia kallzant yea, mogacho petton assa uzo, 

Claudia poi anjea, mog amcho mhataro zanv nezo, 

RM:Moipassan, nivta tan, Both: jivit amchem nhoi 
ek sopon
A.Bhurgim than, sangatan, Both: bhalo don kallzank asa topon 
Onodan, noxiban, Both: ghutt amcho uro nezo lipon,
Both: Vhoddlo man, sonvsarant, boreponn dovrit zalear vompon, 


A-RM-M:Claudia, Dev Bapan, rochleant ektaim jiyonk ami,
Kitem zanv, dhor tensanv, fokot morn ghalit dukhanim, 

Claudia tujem nanv, sodanch kheuta mhojea vontanim,
RM:Gorib hanv, zannam ganv, mogan girest sorvoi vattanim 


NHID MOJEA BAI* - Singer: Shalini Mardolkar
Film: Nirmon - Lyrics: C.Alvares Music: Frank Fernand

hmmmmm....hmmmmm....hmmmm
hmmmmm....hmmmmm....hmmmm
Dol mojea bai, nhid mojea bai, pipit addtolo pai,
Kavllo roddon, ghoracher ghai, vichari kitem zai,

Kavllea baba, rekad dila, bayek usko zala,
Bayechea pain, fottu vhela, biskut addunk gela,

Pai mogachem, bai mhojem dol, tuka ditelim bol,
Sopnant utton, pai sorxim chol, dakhoi mogachem mol,

Chan'ni mama, kemkem dita, bayen keli tata,
Disui soron, ratui veta, paicho ugddas yeta.


UPKAR KORAT* - Singer: JacintoVaz
FilmNirmon - LyricsC.Alvares - Music: Frank Fernand

Kazar zaunk asa boro cholo,
Ankvar choliank to korta ulo,
Toklen to uxer, sarkoch kollo,
Ghor zanvuim mhunnxi, rokddoch zalo.

Dot mhonnchem gheinam, kallem-gorem poinam,
Ragarui zainam, khoddi kai nam,
Vokol khoimchi zanv, Novreacho Rai ganv,
Sangtam tachem nanv, Baltu to hanv.

Barik zanv mottem, utor ditam,
Lamb noko mottvem, manun ghetam,
Hanv ekdom nitov, sodanch nahtam,
Sumanak ek pautt kumsar zatam.

Bonvdaitam thali, hanv mhozoch mali,
Soirik tor zali, bolsam khali,
Tupachim fon'nam, sangonk hem tond na,
Nhid mhaka poddna, eklo konn na.

Cheddvamni mhoji, gheyat khobor,
Sogleanim kalliz kelam nibor,
Chintun hem soglem zata zobor,
Noxibar mhojea boslam mazor.

Monem zanv bherem, mellta tem khorem,
Dista tor borem, dhortam verem
Ghalinakat riskar, soddtam ho suskar
Poun mhozo rupkar, korat upkar.

Repeat Kazar zaunk... 

KUNNBI AVRADDI* - Singers : Robin Vaz & Souza Ferrao
Lyrics: Souza FerraoMusic: Frank Fernand

Avrak voitai kuradi marn khandari,
Kudoll voir sokol kan fonddtai bandari,
Ghor bandunk nichlaitai chire tankari,
Sonva dis bakra bhattu paddtelei tonkari.....}x2

Foddi ghatai nosteak, puroicheak ondde,
Noitai tovxim molavn vinchtai bhendde,
Porum orsa naxin pikoil gondde,
Bhattant punzaitai narl bhondde,

Rendak chelai kazunche aframentu,
Handian noin kumban pikoich chintil xetu,
Hea vorsa sath rupian vinchil bhatu,
Chesleai avrak ami nokdde ghattai atu.

Mollam porsan noin orov vaddoiya,
Kazubio  bhair dhann nibram zoddumya,
Xiknnar eiai noz nam avr korumya,
Avra vhoddponn oir dovriya

Bolaichen ghott ga kunnbi nokdda khambo,
Pavs otan avr kon tejem jivit nambo,
Ambil gottai dit naka okda tembo,
Sokanim avrak toyar sad ghatri kombo.

Noste bandleai kunnem? Avraddeamni,
Min ustilam kunnem? Avraddeamni,
Ranachim xar cheleaim Avraddeamni
Ganv sudhrailea Avraddeamni....}x2

NACH ANTAMCHE* Singer Carmo RodLyrics: C.Alvares
Film Nirmonn

Bhurge zanv zantte soglleanche tontte nach atamche, yampam pa yampam pa,
Kazari ankvar soglle sankvar padde zotache, yampam pa yampam pa,
Vaztoch kai borim haltat sogleanchim bhendam,
Khanvcho jenvcho ugddas konnak yenam,
Konn nachonk nokot tanchim kallim tonddam,
Punn bendvalleank matui suseg dinam,
Kosleo re khoddi soddtat voddi nach zainam bond, yampam pa, yampam pa
Koslem zanv zoddem tanddtat voddem ambott korun tondd, yampam pa yampam pa

Avoi mhatrim pasun nachtat oxim halon,
Ken'nai kallok zattat diye palon,
Nachachea bharan moche vetat solon,
Magir bexttea payamnim ghora cholon,
Nachea salant chuingamam galan, kitem cheracho vas, yampam pa yampam pa
Are ghamache lott tori nachtat fort va poi tum nachachi as, yampam pa yampam pa

Muzganim vaztoch sogleanchim lonv fulta,
Cheddo khoimsor cheddum thoimsor dholta,
Gomot kosli madd koxim tim halta,
Nachunk nokoi zallearui cholta,
Adle kai bore nach pollounk nhivtali as, atam marta ghoddghoddo, yampam pa yampam pa
Atam koslim dongam konn ghalta pongam konn kaddta koddkoddo, 
yampam pa yampam pa

SUKHACHEM SOPON - 1966

MOTIANCHO SURNGAR - Singer: Jerry Al Braganza, Cecila Machado & Chorus
Lyrics: Alfred Rose - MusicM.Alphonso

Sakrament zoddlo, ekvott aiz ghoddlo,
Kallzam guntlim, dogaimchim,
Adharak mevlo, sukh sontos vhoddlo,
Sodanch mogan jienvchim.

Eka mekak loztaleanv, pois ravon hanstaleanv,
Vegim ami ektthaim zaunk axetaleanv,
Eka mekak loztaleanv, pois ravon hanstaleanv,}
Vegim ami ektthaim zaunk axetaleanv.} Chorus

Voddem hem tannia, todikui vhoria,
Ekvottak borem magon,
Visvasan cholia, zodd-modd sonsia
Devacher bhavarth dhorun.

Eka mekak loztaleanv, pois ravon hanstaleanv,
Vegim ami ektthaim zaunk axetaleanv,
Eka mekak loztaleanv, pois ravon hanstaleanv,}
Vegim ami ektthaim zaunk axetaleanv.}Chorus

Anj boddve sorgar,neketram mollbar,
Vatt poitat zaitim sobar,
Motiancho surngar, dogaimchea kallzar
Morosor porzollunk zai.

Eka mekak loztaleanv, pois ravon hanstaleanv,
Vegim ami ektthaim zaunk axetaleanv,
Eka mekak loztaleanv, pois ravon hanstaleanv,}
Vegim ami ektthaim zaunk axetaleanv.}chorus

JURAMENT NEKETRAMCHER* - Singers: Al Jerry Braganza & Cecila Machado
Film: Sukhachem Sopon - Lyrics: Alfred Rose - Music: M. Alphonso

Jurament tuka ditam nekhetramcher,
Pation tum rav, hea mhojea utramcher
Kai borim sobit fulam, vell fulloilea tea kallzacher
Koxem visor hanv ghaltolom tancher

Chondrim polle lipla kupanim,
Dolle kiteak bhortai dukhanim,
Polle anjea mhojea dolleanim,
Biyenakai ghalchona khontinim.

Dilelem utor hanv vechona negar,
Moladik hi bhett dovortolom angar,
Tujea xivai kainch mhun naka sonvsarant oslo sunrgar
Kiteak anjea kallzan zatai fugar,

Kai bori rat thonddayechi,
Ghott aiz koria bunhead mogachi,
Hanson dakhoi, khoxi kallzachi,
Tunch vortotai, divtti fuddarachi.

Somdirachem udok saiyem zanvchemnam
Gulabache zhaddak xenvtim fulchemnam,
Toxench hea mhojea kallzacher ingratponn zolmochemnam,
Kallzan fuloilelea fulak pisddun ghalchonam 


SITARAM GADDIWALA* - Singer: Robin Vaz (RV)&Cecilia Machado & chorus (CM)
Lyrics; Robin Vaz  Music:M. Alphonso

RV:Gaddi ghevunu zatreku voitam, arey gaddi ghevunu zatreku voitam,
Yetat zalearu sangat mhaka mhoje bara vortam...x2
Gaddi ghevunu zatreku voitam, agho gaddi ghevunu zatreku voitam,

CM:Ohhh amori zali, Sitaram upkar kori, boglek tuji haddun gaddi, zatrek
amkam vhor...x2
RV:Gaddi ghevunu zatreku voitam, arey gaddi ghevunu zatreku voitam,...2

RV:Kai borim pollonvk tumi distat...hammmm }
Kai borim hallon dollon nachtat...haha }....x2
Sogleank poitokuch tumkam, mojya dista maka,
Sangat pyar mazo kortat vo na.

CM:Sitaram biyenaka tea pasot, tujea piyaran amchem kalliz veta lasot,
Amkam gaddient bosoi ani zatrek pavoi, uprant bonvchem hansot nachot,..}x2

RV:yeo yeo yeo yeo yeo agho yeo yeo yeo yeo yeo
Tumkam gaddienk bosoitam, anik zatrek pavoitam,
uprant tuj bara hanv bi yetam

Vhor vhor vhor gha saiba tujea bara vor,
Vhor vor vor gha saiba tujea bara vor

Repeat oh Amori zali....x2

PATOVANTLI KUNVOR* - Singers: Jerry Al Braganza (JB) & Cecilia Machado (CM)
Lyrics: Alfred Rose, Music: M.Alphonso

JB:Kalliz hem hansta poi nachta poi kumpasar,
Ontrollar suknnim pasun kortat abrasar,
Tea fulancho pormoll fokot gomta vasar
Mogachim chintnam hea monant zatat pasar 
CM:Polloun tuka nodor pasun fankartlo mogacho uzo
Tum voi toso tum poinaka mhojean kainch kainch dinv nozo,
JB:Puro Puro tum fulancho turo hea fulanim lipla moipass amcho.
Both: Kalliz hem hansta poi nachta poi kumpasar

CM:Mhaka tum hansoitai bhuloitai utramnim,
Sang kiteak uloitai oslea figramnim,
JB:Polle tem ghor bandlam moladik fatramnim
Oslem hanv bandtolom hea mhojea hatanim.

CM:Utram tujim, goddam goddam,
Tea musachea mhonvam porim,
Poi doryachim lharar lharam
Khoddpacher poddtat kaiborim
JB:Lharam tim sukhachim, Lharam tim mogachim
Axetat ek korunk kallzam amchim,
Both: Kalliz hem hansta poi nachta poi kumpasar.

JB:Mannkam motiam diamant bhangar zainam sor
Dolleam mukhar astoch patovantli kunvor
CM:Uzo nastana kiteak tum kortai dhunvor,
JB:Sosunk zainam dekhun hea dolleancho pavor.

CM:Chintun tujem kalliz mhojem,
Soglench ghuspolam kantteamni,
Hai Deva vattai mhaka, farovlam sogleach vattamni,
JB:Tuka visorchonam, tuka hanv sanddchonam
Ghott bandtolom mogachea doramni
CM: Tuka visorchinam, tuka hanv sanddchinam
Ghott bandtelim mogachea doramni.

Both: Kalliz hem hansta poi nachta poi kumpasar,
Ontrollar suknnim pasun kortat abrasar,
Tea fulancho pormoll fokot gomta vasar
Mogachim chintnam hea monant zatat pasar 


MHOJI GHORKARN* - 1969

KHODD'DDO MHATARO - Singer: Cecilia Machado
Lyrics: Souza Ferrao, Music: Frank Fernand

Bhakrabab mhaka apoita,
Xembreancheo notti oxeo dakhoita,
Haitk dhorun aple kuxik bosoita
Ani magir, ha ha ha ha
Veng marun nachoita

Mhaka choitokuch tencher yeta bhar,
Avra vortai, punn korunk dinam avr,
Ghoran vhoron mhaka bondu kelem dar,
Ani magir, mhoje avoi,
Fattlea daran kaddli par.

Motorkar mhaka mottran apoitai,
vhorn mhaka sarkem mukhar bosoitai,
Majir mottor kutu rosten choloitai,
Ani magir, ha ha ha ha
Mottor maddar choddoitai.

Mhuko kazar zavnk sodta bab Kamilu,
Barkelo sarkho dista bombilu,
Tege fuim Bombaim asa familu,
Tek foboru nam,
Ami jeitai imbilu.

Mhuj fattlean lagla bhakaru,
Panch rupoi mhaka dita pageru
Nok mhunnta ghora mhak bekaru,
Punn to xi ha ha ha
Asa khodd'do mhataro.

EK EKSURO BHURGO* - Singer: Jacint Vaz
Lyrics:C.Alvares, Music: Frank Fernand

Ek Eksuro bhurgo vaddean sodanch distalo,
Aple savllek bhion to chintunk bostalo,
Cheddvam xim pavtoch tankam murgotton hanstalo,
Cheddvam nastana to ekloch nachtalo.

Chinti apunn sonvsarant dis koxe sarum,
Na hoddeak xidd koxem  choltelem tarum,
Cheddvank pollovn mhunno konnank pager marum,
Apunn apleakuch to somzotalo ghaddum.

Rat dis to vati pettoven Devak kori rozar,
Eksurem vid sarun to zalolo bejar,
Chinti baile porim ken'na jevtolo mezar,
Mhunno aplea noxibant na mhonnon kazar.

Ek  dis to rostevelean ekloch vegim vocho,
Eka cheddvan povn amurkoch marlo hanso,
Zaite pavtti to oso cheddvank pollovn foso,
Punn he pavtt sarkoch taka sampoddlo sonso.

Anjea sarkhem rupnnem tachen povn zalom gul,
Vareachea pakram modem aschena toslem bubbul,
Bagim modem  na  tem tachea oslem pormollit ful,
Itlem tem sobit dolle ani tache azul.

Avchit derepent xitollkaiecho marlo varo,
Taka pollovn tachim chintnam zalim poro,
Kallzan thavn tannem tacho mog kelolo khoro,
Xevttak kazar zalim fuddar magon boro.


FUDDARACHO DIVO* - Singer: Shalini
Lyrics: C.Alvares, Music Frank Fernand

Kitlo tum boro, baba mhuzo khoro,
Bhukelai khoro, tum fulancho turo,
Kitli apurbai, korta tuzo pai,
Khoxi zata xapai, sogleankuch tum zai.

Magnneamni tuka puta Devan dila,
Kitle koxtt sonsun, kusvean hanvem sambavla,
Magnneamni tuka puta Devan dila,
Kitle koxtt sonsun, kusvean hanvem sambavla,
Roddon jiv bavta, angovneami mevla.

Puta tuka man, nhivta mhoji tan,
Ximplai hanvem dudan, xapai sarkeh dolle kan.

Furddarcho tum puta, mhuzo divo,
Gharak hea tuzo, uzvadd zavo,
Furddarcho tum puta, mhuzo divo,
Gharak hea tuzo, uzvadd zavo,
Hanv axen ravleam aikonk tuzo tavo.

Kitlo tum boro, baba mhozo khoro,
Ekloch tum puro, pai bhaxen goro.


KORTUBANCHO SONVSAR* - 1970

KALANGUTCHE PRAIER - Singers; Sheila,Agnes n Chorus
Lyrics: Albert de Britona   Music; Manuel Alphonso

Khoxen kallzam murgotta, vhodd urba amkam addta,
Pavtoch he Kalangutche praier,
Hem mogiank boreak poddta, jinsanvar novlam ghoddta,
Kherit sontos denvta polleancher.

Hai Hai Hai Ha hai hai
Kitli thondd xitoll hi Kalangutchi prai,
Khorench he don mhoine abril ani Mai 
Jivak amchea dita vhodd dhadoskai

Abril Mai mhoinean khorem, pollovn dista kaiborem,
Chovxilean marta thondd xitoll varem,
Yetat lokachem bhirem, nhavcheak hem udok kharem,
Zantteank nentteank itlem saudik borem.

Hai Hai Hai Hai hai hai
Kitli thondd xitoll hi Kalangutchi prai,
Khorench he don mhoine abril ani Mai 
Jivak amchea dita vhodd dhadoskai

Apurbaiecho ganv, nnov letranchem tachem nanv,
Putam dhuvamchem istimosanv,
Bhogtoch amkam fugasanv, marun ami yetat dhanv,
Korunk dor vorsachem mudasanv.

Hai Hai Hai, Ha hai hai,
Kitli thondd xitoll hi Kalangutchi prai,
Khorench he don mhoine abril ani Mai 
Jivak amchea dita vhodd dhadoskai
La la la  la  la la la la la
la la la la la la la la

MHOZO JIV AXELA* - Singers Kitty (K) Chico da Costa (C)

C:Ha ha K:hum-hum, Both:la la la la la, 
C:Ha ha K:hum-hum, Both:la la la la la, 

C:Xitoll dov poddon fulam fullim molleant,
Sobit sallkam man ditat ravon tolleant,
Pollovn tuzo rupkar veta he dolleant,
Oxench mog ho ghaltam tujea golleant.

Pormollit fulam mog ami kela,
K:Kazar zanvcheak hoi jurament dila
C:Kallzache khorik hoi to kirlola,
K: Gopant tuka ghevunk mhozo jiv axela

C:Ha ha K:hum-hum, Both:la la la la la, 
C:Ha ha K:hum-hum, Both:la la la la la, 

C:Mogan astoch kallzak kherit bhogta sukh,
Sintid uddtta, lagona tan ani bhuk,
Khorea mogak bhogchem poddta zaitem dukh,
Jivitachea rostear kirlota to rukh.

C:Dogaim zavn jurar, mog kortam selar,
K:Ghovai rav suria ravon ontrollar,
C:Nodor amcher mar, zatam poi orar,
K:Sodanch tum rav mhunn amchea favorrar.

C:Ha ha K:hum-hum, Both:la la la la la, 
C:Ha ha K:hum-hum, Both:la la la la la, 

C:Mog kornaramni mog korunk zai khoro,
Porva na dusman aslear korun paro,
Ekvottan bhonvlear dusman sorta poro,
Ani fuddarui porzollta boro.

Both:Bhonvchim sangatan, ravchim ekvottan,
Pavosor, sukhachea bhuimvoikuttan,
Bhagonvchi ami, hi mogachi tan,
Bandun kallzam Satvea Sakramentan

C:Ha ha K:hum-hum, Both:la la la la la, 
C:Ha ha K:hum-hum, Both:la la la la la, 

BOGLANTT - 1977

SUKNNEM SUKNNEM* - Singer Delphine 
Lyrics & Music: Alfred Rose

CH:Suknnem Suknnem Suknnem zaun hanv uddtam,
Mogan ghontteor korunk axetam,
Ratchim mogachim sopnam sopnetam,
Tum mhunn somzon uxim poxetam,

He mhujea moga, axetam tuka,
Vengent dhor mhaka, biyenaka,
Hanv ravtam tuka, tunch mhujea sukha,
Dhavon ye vegim, lozonaka,
Oh...suknnem suknnem zaun hanv uddtam......

CH:Pixim pixim sogllinch zaleam pixim,
Mogak lagon zaleam hanv oxim,
Mogachech bhuken asam upaxim,
Vell lainakai yeo tum moje sorxim.

Tum kiteak hanstai, mijeaxin bostai
Mhaka poun loztai, lozonakai,
Up-to-date nhestai, pounk boro distai,
Mogan tor bhaztai, kiteak ravtai,
Ye tor....pixim pixim sogllinch zaleam pixim...

(AR: tum Goemkarn nhoi gho - voi
kednam meutelem faleam - voi
veginch meu ham - borem )

CH:Mogan tujea poddtelim setembrant,
Kazar ami zanvchem Otumbrant,
Honey moonak ami vechem Novembrant,
Tegam zateleanv fuddlea Dezembrant.

Ha ha ha hanstai, tum kiteak hanstai,
Amurkoch hanstai, hansonakai,
Tum kunvor distai, bhitorlean siztai,
Mog mhuzo kortai, kiteak ravtai,

Ha...mogan tujea poddtelim Setembran.

NOVEM VOROS* - Singer: Delphine
Lyrics & Music: Alfred Rose

La La La,La La La. La La La La La.
Novem voros yeta danvon, pornem voros veta povon
Sobai tachi geli devon, kotta kotta veta povon.

Kallukh zalo konnacho konn bej gheta,
Kitle chedde oslea vellakuch ravta
Mog kornaram chedde cheddvank vengoita,
Ho mhatro poiat cheddum mhunn somzon, kodelik bej dita.

Novem voros yeta danvon, pornem voros veta povon
Sobai tachi geli devon, kotta kotta veta povon.

Happy New Year ah! Happy New year
Cheddum mhonnta: 'You are my dear'
Cheddo sangta: 'Darling come near''
Konn piyeta rum, konn piyeta beer.

Happy New year soglleank tumkam mhonntam hanv
Cheddvam konnak assat tanger chedde zanv
Ankvarancher Rochnaran ghalchem besanv
Somestanchea gharanim sovostkaien marchi danv

Happy New year (Happy New year) Happy New Year
Cheddum mhonnta: 'You are my dear'
Cheddo sangta: 'Darling come near'
Konn piyeta rum, konn piyeta beer.

Novem voros yeta danvon, pornem voros veta povon
Sobai tachi geli denvon, khotta khotta veta povon.

La La La. Happy New year Everybody
La la la la la la la la Happy new year to you
La la la (Soglleank tumkam Khoxalbhorit novem vors magtam
La la la (enjoy yourslef everybody)
La la la (Enjoy yourself
La la la la la la la la la la la. 

ANVDDE TUJE SOMPOI* - Singer: Alfred & Rita Rose
Lyrics & Music: Alfred Rose

O Ho Ho Ho...Ha ha ha ha...Hai
A: Kapddam tujim vengent dhortam,
Gopant asai mhunn sozmotam,
Rat dis tukach, hanv axetam,
Dimbi ghalun, rozar kortam.

R: Dolle voir kaddun poi, vengent mhaka apoi,
Anvdde tuje sompoi, marun zompoi,
Atam khoxi zaloi, gopan tujea khelloi,
Kallzak-kalliz melloi, vengent dolloi,

A: Oh mhoje vengent ailem anjea,
Lipoi mhaka kallzant tujea.

Both: La la la la la, la la la la la
La la la la la, la la la la la }x2

A: Tuzo rupkar, dolleam mukhar,
Kalliz mogan bhorlam chikar,
Borovn dovortam, mogachea bookarrrrrr,
Kazar zatoch, jieunchim sukar ha ha

R: Sukh tuka meutelem (A: va va )
Kalliz ek zatelem (A: oh my girl)
Eksurponn vetelem (A: oh gelear puro vegin)
Dukh urtelem

Both: La la la la la, la la la la la
La la la la la, la la la la la}x2

A: Utram aikon, khoxi zalom ha ha ha ha 
Sonvsarant than, sorgar pavlom
Ha ha ha ha, O ho ho ho ho ho
Ho ho ho ho, Ha ha ha ha
Ha ha ha ha, O ho ho ho ho ho
Ho ho ho ho, Ha ha ha ha


BIZLECHO PAVOR* - Singers: Alfred & Rita Rose
Music & Lyrics: Alfred Rose

A:Bavli dista mennachi, nodor tujea dolleanchi, bizlecho pavor,
Sobai tujea poleamchi, sobitai aboleanchi,
R:Tunch mhozo kunvor,
Nodor tujea dolleanchi, bizli mhojea kallzachi mogacho dhunvor,
A: Dongor bhorla dolleanim, mog rigoila kallzanim, tunch mhoji sanvor.

R: Tuje vinnem ravom nezo, eksurponnui sonxi nezo,
A: Tum bai mhojem hanvui tuzo,
Both: Gopant dhorun paloi mogacho uzo.
Bavli dista mennachi, nodor tujea dolleanchi, bizlecho pavor,
Sobai tujea poleamchi, sobitai aboleanchi,
Tunch mhozo kunvor.

A: Sukhnim uddtat zomeanim, bagi bhorleat fullanim,
R: Ful tum mogachem,
A: Xegunnachi tum ranni,
R: Tum hea kallzacho dhoni, nekhetr sorginchem,
A: Ah! Sorgar mhaka pavoitai, gopant dorun khelloitai, mannik kallzachem,
R: Kalliz tukach bhettoilam, mogan nekhetr pettoilam,
A: Sukh fuddarachem.

R: Tuje vinnem ravom nezo, eksurponnui sonxi nezo,
A: Tum bai mhojem hanvui tuzo,
Both: Gopant dhorun paloi mogacho uzo.
Bavli dista mennachi, nodor tujea dolleanchi, bizlecho pavor,
Sobai tujea poleamchi, sobitai aboleanchi,
Tunch Mhozo kunvor,

R: Sambau mhaka fottoixi, dukhan mhaka buddoixi,
A: Nam buddovcho nam,
R: Rupem mhaka dakhoixi, bhangar mhunnon fottoixi,
A: Toxem korcho nam,
A: Ah Mog kallzan rigla bitor, yet pasun khoimchoch dotor,
kaddunk zanvcho nam, 
bandlear pasun doranim, marlear pasun taranim
Both: Tuka soddcho/soddchim nam

R: Tuje vinnem ravom nezo, eksurponnui sonsi nezo
A: Tum bai mhojem hanvui tuzo
Both: Gopant dhorun paloi mogacho uzo!

A:Bavli dista mennachi, nodor tujea dolleanchi, bizlecho pavor,
Sobai tujea poleamchi, sobitai aboleanchi,
R:Tunch mhozo kunvor......fade


TUM MOJEM SUKH* – Singers A=Alfred & R=Rita Rose
Music & Lyrics: Alfred Rose

A: Tum mhojem, sukh dinvnakai dukh,
Tum mhozo rukh lagonam bukh,
Tuje vinnem sonvsar soglloch dista kalluk,
Tum mhojem ful tum ek bulbul,
Tujea mogan hanv zalam gul,
Tuje mukhar mannka mhojea hanv zomnichi dul.

R: Sant pounk distai jivo sant,
A: Tum kirlainakai dant, kuddik suttlo akant,
R. Modd mogachea somdirant,
A: Modd zalam tor, mhaka ghott dhor, jieonchim sukhant

R: Tum mhojem, sukh  diunakai dukh,
Tum mhozo rukh lagonam bukh,
Tuje vinnem sonvsar soglloch dista kalluk,
Tum mhojem ful, tum ek bulbul, tujea mogan hanv zaleam gul,
Tuje mukhar mannka mhujea hanv zomnichi dul.

Music
R: Sant, pounk distai jivo sant,
A: Tum kirlainakai dant, kuddik suttlo akant,
R. Modd, mogachea somdirant
A: Modd zalam tor, mhaka ghott dhor, jieonchim sukhant

Both: Tum mhojem, sukh diunakai dukh
Tum mhozo rukh lagonam bukh
Tuje vinnem sonvsar soglloch dista kalluk
Tum mhojem ful tum ek bulbul, tujea mogan anv zalam gul
Tuje mukar mannka mhojea hanv zomnichi dul


OSOCH FOTTOITAI* – Singers: Alfred=A, Rita Rose=R
Lyrics & Music: Alfred Rose

R: Mog tuzo korun, bhagon gelim hanv,
   Kazar zatam mhunn sodanch sangtai sermanv,
   Poi tuka lagon, bhogtam fugasanv,
   Jiv mhozo ditam somdiran marun danv.

A: Naka naka somdirant jiv dinakai,hat zoddun magtam,
   Ami mogan jiyonchea pasot poili practice hanv kortam,
   Kazar zatoch tuka sogllem sukh dinvchea pasot vavurtam,
   Ani fuddlea vorsa tuje lagim hanv sakrament zoddtam,

R: Osoch fottoitai (A: emm)
R: Dukhan roddoitai (A: emm)
R: Anv nam zatoch dusrea cheddvank apoitai,
A: Kiteak dubavtai, kalliz dukhoitai,
   Dusrim cheddvam nakat punn tunch mhaka zai.

R: Padrixim vortam, kumsarui kortam (A:emm)
   Fottoi fottoi mhakach fottoi dakhoitam,
A: Sangtai tem kortam, kanank anv dhortam,
R: Pedeak sangon antanch fondd kaddun purtam.

A: Tokler hat dovrun jurar zatam, hanvem fottounk nam tuka,
   Dusrim cheddvam lagim yetat, funkot pasun dilear naka,
   Fuddlea vorsak horan kazar zanvchim, tum kainch bhiyenaka,
R: Fuddlea vorsak??
A: Nam bai heach vorsak, kannak dorinaka.

A: Hanv kazar zatolom, zai tem kortolom,
   Tuka zai tor masaloi hanv vanddolom,
   Gharant ravtolom, bhurgeank poitolom,
   Tum susegad bos, hanv jevonn randtolom.



BHUIEARANTLO MONIS - 1978

ADEUS - Singer: Adolf
Music & Lyrics: Chris Perry

Uloilelim uttram monantuch uron,
Udkache porim to mog, mhozo gelo varon
Ek dis ami kennaim, sonvsar ossoch soron
Tuzo mog kallzant mhojea astolo bhoron.

Kainch uloinastanam tum koddsorleim.
Adeus korunk 
passun  tum vissorlim,
Nirmoll kallzak mhojea tuvem toplei kantte,
Kiteak mhunnon Devan, amche kele vantte.

JIVIT AMCHEM OXEM - 1972

ANG MOJEM CHOI* - Singer: LR Ishwari -
Film: Jivit Amchem Oxem

Ang mojem choi punn hatlai-naka!
Vontt moje poi punn kiss korinaka!
Ang mojem choi punn hatlai-naka!
Vontt moje poi punn kiss korinaka!

Yeo ghara, Yeo ghara,Yeo ghara, Yeo ghara,
Ghor mhojem choi punn dar foddinaka.

Ang mojem choi punn hat lai-naka!
Vontt moje poi punn kiss korinaka!
Yeo ghara, Yeo ghara,Yeo ghara, Yeo ghara,
Ghor mhojem choi punn dar foddinaka.

Pi pi pi pi kiteak pitai re soro,
so so so so sobit bail ekuch puro,
Pi pi pi pi kiteak pitai re soro,
so so so so sobit bail ekuch puro,

Tuzo sangat di, mhojea vengent yeo,
Mozant gayata 'boom ba ka boom'

Ang mojem choi punn hatlai-naka!
Vontt moje poi punn kiss korinaka!
Yeo ghara, Yeo ghara,Yeo ghara, Yeo ghara,
Ghor mhojem choi punn dar foddinaka.

Chint chint chint chint kiteak meztai re duddu,
Mataro zatoch tuka povncho nam cheddo,
Chint chint chint chint kiteak meztai re duddu,
Mataro zatoch tuka povncho nam cheddo,

Aizchem aiz mod, faleanchem faleam sodd
Mogache sukhachem jivit tum kor.

Ang mojem choi punn hat lai-naka!
Vontt moje poi punn kiss korinaka!
Yeo ghara, Yeo ghara,Yeo ghara, Yeo ghara,
Ghor mhojem choi punn dar foddinaka. 

TUM ANI ANV - BP:Bab Peter, BF:Betty Ferns 
Film: Mogachi Faxi (Video Film)

BF: Nodor ek zatoch, kalliz zata thond,
Hem koxem ghoddta tem sangtolo na konn,
BP: Loz tum visortai, ginean zata bond,
Poitele mhunntat hem koslem pixeaponn.

BF: Tum ani hanv, fuddem kitem-i zanv
BP: Tujem mojem nanv, ugddas kortolo ganv...x2}

BF: Dollean disonam, rokddoch to pouta,
Address konn noko, khoimsor to rauta,
BP: Vogot taka nam,kednaim to yeun meuta,
Khoincho niz mog to rokdoch ugtto kouta.

BF: Tum ani hanv, fuddem kitem-i zanv
BP: Tujem mojem nanv, ugddas kortolo ganv...x2}

BP: Konnacheanuch mogachem korunk zainam moll
Vareachea painnean zai toso tuka doll
Kanteantlean, ujeantlean dolle dampun choll
BOth: Mog amcho ami zaunk dincho noi poll.

BF: Tum ani hanv, fuddem kitem-i zanv
BP: Tujem mojem nanv, ugddas kortolo ganv...x2} 


(updated  05/10/2022)


Songs of Robin Vaz

Born: October 20, 1929 Died : November 16, 2002
Pic Courtesy : JoeGoaUK

BACKBAYCHEM VAREM – Robin Vaz

Goeam than poilech pautt Bombaim anv ailom,
Evun dhobitalo kotri korun ravlom,
Ixttam barim ek dis Backbay pollounk gelom,
Sabar toreche lokak polloun khoxi zalom

Sangtam khorem, kai borem, marta tem thond-thond varem,
Backbaychem khaunk varem, sabar lokachem birem
Anvui khatam, varem purem, hey kai borem backbaychem varem

Bombaychea xarant pavna fuddem anv,
Rani bhag meusem pollounk gelom marun dhanv,
Ha ha kitlo sobit bomboimcho ganv
Angor sogott khuxeal borit kitem zanv

Offisache sunttokoch, backbay voson bostokoch,
Jivak amchea, khuxi bogta, backbaychem varem khatokoch,
Ghara ami, vosonk vetam, aimorechi ghantt vaztokoch.

Bombaycher sarki nodor marxi ixtta,
Bombay pollounk sarkem hollywood dista,
Lok sanjeacho varek backbay veta,
Eka-mekache athak ath ghalun cholta

Aaha very good bombay, lok sanjecho veta backbay
Chedde cheddvam daddle bailo, sogott angor happy and gay
Korench ixtta, hench bombaichem happiness night and day


DARLING LUCYBy Robin Vaz (RV) & Partner (PR)

RV: Jose Souza, ganvanu xastticho
Chodd ani chodd maka mog Lucy-cho
PR: Tumvum cheddo bakra familicho
Mojea fatlean kutea baba zala re pisso ?

RV: Tuje esoli mellonk kustar beauty
Tujea mogan kaliz zata pitti pitti
PR: Ekoch sangtam mojer manaka mitti
Anv cheddum nhuim texo fitti fitti

RV: Tum Norsa cholli, maka sobtoli bori
Kitli tum sobit baie, gori gori
PR: Insuld korto subej uloit tori
Borean anv sangot tuka vochonk kori

RV: Darling Lucy, mojer taponaka
Tuko kazar zatam, khorench sangtam tuka
PR: Aban toiar nouro kela maka
Kozar kozar zata mhunn bexto lalenaka

RV: Xastti ganvan anvum, girest vhoddlo
Tujeruch Lucy baie, mozo dollo
PR: Kozar zata mhunn fotoupacho kollo
Tapot marnu tujo foddin pollo


RV Cheddum tum ekdomuch pikoro
Muko kazar zalear tuka kedem horo
PR Maka zai texo nouro mella pero
Tum bakra cheddo, sangot I don’t care-o

Uloup:
RV Kitem you don’t care-o ?
PR Vasimbhor hingacho, kut sozmola, anv tuka meto mhunnu
RV Zau go, maka sodnaka go, tum mughe kalza ranim mugho, Lucy oh Lucy
PR ha ha ha ha ha

VARE VA (Babuchea Zolmancho Dis) - Robin Vaz & his Folklore Group
Legend: A = Acacio; M&FS = Male & Female Singers; MS = Male Singers;
FS = Female Singers, includes Lourdes Lobo; R = Robin Vaz


A: Aikat re, aikat re, aikat re,
M&FS: Aiktanv re, aiktanv re, aiktanv re,
A: Aiz babucho zolmancho dis mur’re,
M&FS: Zannanv re, ietanv re, ietanv re

A: Aiz baba babucho dis zolmancho,
Aiz poiat sogllo hanga lok ganvcho,
MS: Aiz baba babucho dis zolmancho,
Aiz poiat sogllo hanga lok ganvcho,
FS: Vare-va, vare-va Vare-va, xev paprika,
Vare-va, vare-va Vare-va, xev paprika.

A: Babu atam ievpacho zalo re,
M&FS: Nomoskar korunk taka ravtanv re,
A: Babu atam ievpacho zalo re,
M&FS: Nomoskar korunk taka ravtanv re
A: Aiz baba babucho dis zolmancho
Aiz poiat sogllo hanga lok ganvcho
MS: Aiz baba babucho dis zolmancho
Aiz poiat sogllo hanga lok ganvcho
FS: Vare-va, vare-va Vare-va, xev paprika
Vare-va, vare-va Vare-va, xev paprika....}x2

R: Ailom re, ailom re, ailom re,
M&FS: Pollovn tuka khoxi ami zalim re,
R: Khaiat re, pieat re, pieat re,
M&FS: Khatanv re, pitanv re, pitanv re
A: Aiz baba babucho dis zolmancho
Aiz poiat sogllo hanga lok ganvcho,
MS: Aiz baba babucho dis zolmancho,
Aiz poiat sogllo hanga lok ganvcho.

FS: Vare-va, vare-va Vare-va, xev paprika
Vare-va, vare-va Vare-va, xev paprika

Lyrics courtesy: Domnic Fernandes

MOGACHEM TUFAN - Robin Vaz
Chondrim liptalo kupan
Halonaslem zaddachem pan
Kallzan zatalem mogachem tufan
Tea vellar tuka getlelem gopan

Chorus
Neketram dipkaitalim movbar
Sumarachea, bara horar
Hath dorun eka-mekachea kallzar
Jurar zalelim sobemazar

Sodanch sanjechem tum mevo
Mevtukuch tum gopant khevo
Mhunno mhaka uzvaddacho divo
Sodanch kallzant urtolo jivo

Chorus
Ontrollar mog kortat suknnim
Eka-mekak, ghalun fivnnim
Teach porim mog kelolo dogainim
Atam visorlem tum mogachi kannim

Tonddar sango lae-poe
Hem sogllem visorlem bae
Atam poitokuch gunvddaitai doe
Innocent kallzak ghatle gae

Chorus
Sodanch mhaka mhunno darling Viky
Atam sanddun, gelem Ricky
Ekdom tuvem kelai mhaka duki
Devan tuka dovrum suki

Lyrics Courtesy: Domnic Fernandes

PINKICHEM LOGN - Lyrics by: Late Robin Vaz
Sung by: Late Robin Vaz, Selsa, Lourdes & Chorus

Introduction: Hem zavn asa Pinkichem logn.

Emcee: Atam vokol-novro ailo (lok tallieo pettoitat).
Bhott mama ailo.
Bhott mama vokle-novreak fulanche har bhettoita (lok tallieo pettoitat).

Bhott: Bhottu hanv vortovtam, Devllantum ietam
Vokle-novreachem login kortam – ham-am-am-am
Vokle-novreachem login kortam
Hatant hem tatt ghevn, tatt hem gunvddaitam
Vokle-novreachem login kortam – ham-am-am-am
Vokle-novreachem login kortam

Sogott: Ekttaim ami zanvumiea
Pinkichea lognanku vochoiea
Xinvtim-abolim, hoi xinvtim abolim
Hoi vokle-novreacher xinvraviea
Ekttaim ami zanvumiea
Pinkichea lognanku vochoiea
Xinvtim-abolim, hoi xinvtim abolim
Hoi vokle-novreacher xinvraviea

Bhott: Oh Pormesvara! Oh Pormesvara!
Bhesanv tum ghal hancher, Pormesvara
Oh Pormesvara-a-a-a

Bhott: Oh Pormesvara-a-a-a-a

Bhott: Devi Saibinnim
Sogott: Devi Saibinnim
Bhott: Man tuka dhitam
Sogott: Hoi-i-i-i
Bhott: Vokle-novreacher
Sogott: Hoi-i-i-i
Bhott: Bhesanv ghal ghe Saibinnim
Sogott: Hoi ghe Saibinnim

Bhott: Sorbonvtem boson-boson
Murgotton hanson-hanson
Tandull ami vanttiea
Sorbonvtem boson-boson
Murgotton hanson-hanson
Tandull ami khaviea

Sogott: Sorbonvtem boson-boson
Murgotton hanson-hanson
Tandull ami vanttiea
Sorbonvtem boson-boson
Murgotton hanson-hanson
Tandull ami khaviea

Bhott: Ietat tankam man diat
Sogott: Hoi re bhotta

Sogott: Pinkichea lognanku, lognanku, aile baba
Pinkichea lognanku, lognanku, aile baba
Pinkichea lognanku, lognanku, aile baba
Pinkichea lognanku, lognanku, aile baba

Sogott: Pinkichem login zalem, login zalem, zalem baba
Pinkichem login zalem, login zalem, zalem baba
Pinkichem login zalem, login zalem, zalem baba
Pinkichem login zalem, login zalem, zalem baba

Sogott: Fugddi ghalun nach baba, fugddi ghalun nach baba
Pinkichem login zalem
Loginu zalem baba
Fugddi ghalun nach baba, fugddi ghalun nach baba
Pinkichem login zalem
Loginu zalem baba

Bhott: Ietat tankam man diat
Sogott: Hoi re bhotta

Sogott: Pinki amgelem, cheddum Dotaramalem
Mapxenchea Rogu koddem kazar zalem
Pinki amgelem, cheddum Dotaramalem
Mapxenchea Rogu koddem kazar zalem

Pinki amgelem xiklelem
Hey! Pinki amgelem xiklelem

Pinki amgelem, cheddum Dotaramalem
Mapxenchea Rogu koddem kazar zalem
Pinki amgelem, cheddum Dotaramalem
Mapxenchea Rogu koddem kazar zalem

Pinki amgelem xiklelem
Hey! Pinki amgelem xiklelem
Hey! Pinki amgelem xiklelem
Hey! Pinki amgelem xiklelem
Hey! Pinki amgelem xiklelem

Lyrics Courtesy: Domnic Fernandes